Yoano 15:5 - KILOMBENO KIHYA KIA NFUMWETU YESU KIDISITU

⁵ Ami nyi mulundo wa nfinyo, anwe nyi ntabi yao: awa akekala mwimi, ami namu mwadi, e akaha bikuba bibungi; su tanwi nami tanukakitshi kintu.

Yoano 15:5 Referans Kwoze

Bena Fidihai 4:13

Nyi na bukome bwa kukita bintu bioso kwi winyi mumpebo, nyi Kidisitu.

Bena Kolose 1:10

na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Bena Ngalatea 5:22

Ankabikuba bia Kikudi-E-Selelee nyi nkifulo, muloo, kufukama, kahuñanyi k’eshimba, kasendeleshi, buwa, lukuluhilo,

Ii Bena Kodinda 13:8

Mwanda tatwiuku kukita kia kwituhishena na biabinyibinyi, anka (kutamisha) wa biabinyibinyi.

Yoano 5:19

Binyibiabia Yesu bebalungwile’shi: Binyibinyi, binyibinyi, nenwambashi; Mwinyi Mwana teuku kukita kintu, E na mwinyi, anka kiakia kiamwene Shye akitshi: mwanda abio bioso abikita Yaiya, anka biabia abikita Mwana hamune.

Yakoba 1:17

Biabuntu bioso bibuwa na biabuntu bioso bikumbane abifika mwiilu, abiyikā kwi Yaiya a matata, winyi e teuku kwaluluka, sunga mpahelahela, sunga nkwihwandjikisha kwāluluka.

Ii Petelo 3:18

Anka nukule mu bu-muntu na mu kiukilo kia Nfumwetu Muhashi Yesu Kidisitu. Kwadie (kwikale) ntumbo, binobino mpaa na kwikalaika. Amena.

Yoano 12:24

Binyibinyi, binyibinyi, nenwambashi: Su emuma dia nganu dibahono mu nsenga, tandifwe, biabia adikala buhenka; anka su dibafu, adiha ebungi.

Bena Loma 7:4

Henyihaha anwe bakwetu, n’anwe namu mpamune tanudi bafwe ku’wa mukanda-wa-milangilo mwanda wa mbidi ya Kidisitu, eshi, mwanudia kubambibwa kwi mungi, n’e winyi basangwilwe ku lufu, mwatudia kutshisha bikuba kw’Ifile-Mukulu.

Bena Fidihai 1:11

Na kuushibwa na bikuba bia kululama bi kwi Yesu Kidisitu, bia ku ntumbo na ku lulangwilo lw’Efile Mukulu.

Yoano 9:33

Su uno muntu tamufikye kw’Efile Mukulu, tabadi akwiuku kukita mwanda.

Bena Fidihai 4:17

Tamwanda wa kwamba’shi, nankyebe buntu, ooo; anka nankyebe kikuba kikenufwimishe ha mwanda wenu.

Bena Loma 6:22

Anka binobino nubalekyelwa ku milwisho, nubaluluka, tanudi bu bahika b’Efile, amo nyi mwa tanumwena bikuba bia ku kilamunwekikishila, na kunfudilo namu, muwa wa ikalaika.

Bikitshino 4:12

Sunga mu dingi tamwi kihandjilo, ooo; mwanda tamwi dingi eshina mushi mwiilu dibahebwa munkatshi mwa bantu diatukahandjila.

I Bena Kodinda 12:12

Mwanda’nka mwikele mbidi ngimune, yi na biakumbidi bibungi namu, na (bino) biakumbidi bioso sunga bibungi, nganka mbidi yimune, nyi anka mwikele Kidisitu namu.

I Petelo 2:4

Nufikye kwadi, nyī’bwe dia muwa, dibasabulwilwe binyibinyi kwi bantu, anka kw’Efile Mukulu dibasangwilwe bu dia kinemo,

I Bena Kodinda 12:27

Biabia nwi mbidi ya Kidisitu, nwi biakumbidi ye, muntu he, muntu he.

Bena Efisesa 5:9

mwanda kikuba ki’etata nyi mu myanda yibuwa, na kululama kw’eshimba na (mu biabinyibinyi,)

Ii Bena Kodinda 9:10

Yawa aheya muminyi mbio na biashi bia kudia akenuha, na kufwimisha mbio yenu yikunwe, na kufwimisha bikuba bia kululama kwenu.

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

Bena Loma 12:5

Mpamunenka, mwatudi bekele n’atwe benyi, mwa twibafwimine muno, twi mbidi yimunenka mu Kidisitu, n’atwe boso biatudi biakumbidi, au ku mukwabo, au ku mukwabo, atwe bana bene.

I Bena Kodinda 10:16

Ekoho dia mwabi diatutumbula ta nkilombeno kia mase a Kidisitu? Na dimpa diatubasulā ta nkilombeno kia mbidi ya Kidisitu su?

Mateo 13:21

Anka e te na mishi munda mwe e na mwinyi, anyingi kihindji kihi, anka ahakabuku kusabulwa su kubingwabingwa ha mwanda wa Mwanda, kahindji n’āka ebakokoshwa.