Yoano 15:4 - KILOMBENO KIHYA KIA NFUMWETU YESU KIDISITU

⁴ Ikalai mwandji, n’ami namu munda mwenu. Bu bishiabiuku lutabi kuhela bikuba lu na mwinyi, anka su ndulamata ku mulundo u na mwinyi; n’anwe namu mpamune, anka su anukekala mwimi.

Yoano 15:4 Referans Kwoze

I Yoano 2:6

Yawa akula’shi: Nyi mubombele mwadi, e na mwinyi namu wadi n’ao ngwa kukit’amukitshin’e.

Bena Ngalatea 2:20

Naihaībwa ha mutshi uhingishene hamune na Kidisitu, biosobi nafala, anka tanami na mwinyi ooo, nyi ñanka Kidisitu atala mwimi; na muwa wandji n’au binobino mu mbidi, nyi mwikele n’au ku lukuluhilo lwa Mwan’Efile Mukulu banfule kifulo, behanyine namu, e na mwinyi, ha mwanda wande.

Yoano 8:31

Biabia Yesu bambile ba-Yudea babamukuminyine’shi: Su anushimata mu mwanda wande, nwi bana-bande-ba-bukishi binyibinyi.

Ii Yoano 1:9

Awa muntu akidi (ku mpala lew’eyi di’Efile Mukulu), e namu tamwikadidile mu lulambukisho lwa Kidisitu, te n’Efile Mukulu, (anka) yawa ekadidila mu lulambukisho lwa Kidisitu, yawa winyi nyi e na Yaiya na Mwana bubidi.

Yoano 6:56

Awa adi mbidi yande, atomo mase ande, emubombele mwimi, n’ami namu mwadi.

Bena Fidihai 1:11

Na kuushibwa na bikuba bia kululama bi kwi Yesu Kidisitu, bia ku ntumbo na ku lulangwilo lw’Efile Mukulu.

Yoano 14:20

Mu dia di’efuku anukeuku’ shi: Ami nyi munda mwa Yaiya, n’anwe nwi munda mwande, nami namu nyi munda mwenu.

Luka 8:15

Ank’aya ya mu nsenga yibuwa, mbaba abahusha Mwanda, abeulama mwishimba dia binyibinyi dibuwa, abaha bikuba na kwishinka.

Ii Bena Kodinda 13:5

Etompei munda anwe bana bene, su nwi mu lwinyi lukumino; nwishishei’nwe bana bene. Tanwibeshingule biya anwe bana bene’shi? Yesu Kidisitu e munda mwenu, anka su nwi babambakane.

Bena Kolose 2:6

Binyibiabia anka mwanubatambwidile Kidisitu Yesu Nfumwetu, tambukilai mwadi e,

Bena Kolose 1:27

Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo.

Bikitshino 14:22

Bakwete kukankamisha mashimba a balondji b’Efile, na kwibalanga’shi: Nunyingamanei mu lukumino, mwanda nkihwandjikile ’twe kumona misāibulo yibungi ha kutwela mu bufumu bw’Efile Mukulu.

Yoano 17:23

Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo.

Bena Efisesa 3:17

ami’shi, Kidisitu abombele mu mashimb’enu ha lukuluhilo’shi, anwe hakwikala bashimatshishwe bu mishi, na kukankamikwa hashi mu kifulo,

Bikitshino 11:23

E habafikile kwanka na habamwene bumuntu bw’Efile Mukulu basehelele; bebalangile boso’shi, balamate kwi Nfumwetu na kufuna mu mashimb’abo.

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

I Bena Tesalonika 3:5

Nyi mpa uno mwanda namu hanakutshilwe mwa kutalesh’eshimba, natumine’shi, ñūkye lukumino lwenu, mwanda’shi, tala winyi mutompi tabenutompele, na mifubo yetu tayibahwile kwikala bu bisumanga.

Bena Bahebelu 10:39

Ank’atwe tatwi (kubaba) belamune mpaa na mu kuiwila, ooo, anka twi (ku baba) ba kukumina mpaa na ku kuhashibwa kw’eshimba.

Mateo 12:33

Lumbulusha mutshi wibuwa, na bikuba biao bibuwa, sunga lwisha mutshi na bikuba biao namu; mwanda mutshi aushingulwa ku bikuba bie.