Yoano 15:19 - KILOMBENO KIHYA KIA NFUMWETU YESU KIDISITU

¹⁹ Su anwikalanga ba-hano-ha-nsenga, ba-hano-ha-nsenga abefulena ba na bene: anka ha mwanda’nwe tanwi ba-hano-ha-nsenga, anka’mi nenusangwile mu ba-ha-nsenga, binyibiabia ba-ha-nsenga abenushikwa.

Yoano 15:19 Referans Kwoze

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

I Yoano 3:12

Tatwikalanga bu Kana badi ā’wa mubi, bayihayile mukwabo, ooo. A bamwihayile ha mwanda kinyi? Mwanda bikitshino bie na mwinyi bibadi bibubi, a kunyi bia mukwabo nyi bibadi bilulame.

Luka 6:32

Mwanda su nwi na kifulo kwi be n’enu kifulo, anukatumbulwa na minyi? mwanda balwishi namu be na kifulo kwi be n’abo kifulo.

I Petelo 4:3

Mwanda akia kihindji kia kala kibakumbana kia kukitshisha bibakyebanga eshimba dia Badientaila, hatubatambukile mu bia mudioholo w’eshimba dibi, bia ngabiabi, na kukishekisha kwa kutoma nfinyo, na kubwelakana, na kwa bidibwa bia kukolwa, na kulangwila kwa ntankishi ashidikwe kishila.

Kibafumulwe 12:17

Biabia kinyoka badi na nsungu na mwana-mukashi, bayile kulwa ngoshi na bashale ku lubio lwe, benyi abalama milangilo y’Et’ile Mukulu, n’abalamata ku bulungudi bwa Yesu Kidisitu.

Kibafumulwe 12:9

Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Mateo 10:22

Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa.

Mateo 24:9

Henyihaha abakenufisha ku malwa, na kwi nwihā; anukashikībwa na mīlo yoso ha mwanda w’eshina diande.

Yoano 6:70

Yesu bebalulwile’shi: Ami nkinusangwile ekumi na babidi be? anka umo’enu nga diabola.

Yoano 13:18

Tanyinwamba ’nweboso neuku banasangwile: anka nyi hakwambashi kilomba she’kia kibafundjilwe’shi: Adi biakudia n’ami etuhishena n’ami.

Yakoba 4:4

Anwe bashudi ba kishila ki’ebambo tanwiuku’shi, bukūku na bia hanohansenga nyi nduhuna n’Efile Mukulu? biabia ese akekala bu kūku na bia hanohansenga e mushikwa n’Efile Mukulu.