Yoano 15:16 - KILOMBENO KIHYA KIA NFUMWETU YESU KIDISITU

¹⁶ Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Yoano 15:16 Referans Kwoze

Yoano 15:19

Su anwikalanga ba-hano-ha-nsenga, ba-hano-ha-nsenga abefulena ba na bene: anka ha mwanda’nwe tanwi ba-hano-ha-nsenga, anka’mi nenusangwile mu ba-ha-nsenga, binyibiabia ba-ha-nsenga abenushikwa.

Bena Efisesa 2:10

Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.

Luka 6:13

Habubatokyele, betamine bana-beba-bukishi, basangwile ekumi na babidi munkatshi mwabo, bebaudikile bu batumibwa.

Bena Ngalatea 1:15

Habaseheshwe eshimba di’Efile Mukulu, bandamunwine munda mwa nyin’ami, na kuñitanyina ku bu-muntu bwe,

I Yoano 4:19

Twi n’e kifulo, mwand’e babadidile n’etu kifulo.

Bikitshino 22:14

Biabia bakwile’shi: Efile Mukulu a bashyetukulu bakusangula’shi; weukye amukyebela eshimba die, na kumonā’wa Mululame, na kuhusha eyi dia mukanwa mwe.

Ii Temote 2:2

N’ayo myanda yibohushishe kwandji’mi munkatshi mwa tumonyi twibungi, ank’ayo weyihitshikile bantu bashimate abeuku kulambukisha bangi.

Yoano 13:18

Tanyinwamba ’nweboso neuku banasangwile: anka nyi hakwambashi kilomba she’kia kibafundjilwe’shi: Adi biakudia n’ami etuhishena n’ami.

Yoano 6:70

Yesu bebalulwile’shi: Ami nkinusangwile ekumi na babidi be? anka umo’enu nga diabola.

I Petelo 3:15

anka Kidisitu ekale mulamunweselelee mu mashimb’enu, ta nfumwenu; nwikale bemane bukyelebukyele kwalula mwalulo kwi muntu ese enwihusha mwikele lutengyelo lwū munda mwenu, na kuhohela na moo,

I Yoano 4:10

Nyi muno mwikele kifulo, kushī kwamba’shi, tubadi n’Efile Mukulu kifulo, ooo, ank’e betufūle kifulo, batumine Mwan’e (kwikala bu kilombeno kia milwisho yetu.)

Bikitshino 1:24

Binyibiabia abatekyele Efile Mukulu’shi: Obe, Mwanana, n’obe euku mashimba a boso etuleshe a ku bano babidi odi musangule.

I Petelo 3:2

Mwanda abamwene nyikashi yenu yiselelee na kutshina.

Bena Loma 15:4

Mwanda bintu bioso bibafundjilwe kwibedi, bibadi bifundjilwe ha mwanda wa kwambula kwetu’shi, atwe mu mufwaka, na kisēngyelo bia Bifundwe, tukekale na lutengyelo.

Bikitshino 9:15

Anka Nfumwetu bamulungwil’eshi: Banda kwenda, mwanda e musangulwe n’ami kutwala eshina diande ku mpala kwa mīlo na banfumu, na kwi bana ba Isalele.

Mateo 21:22

Bintu bioso namu bianukatekye na lukuluhilo, anukebitambula.

Ii Temote 1:11

Nyi hanasangwilwe bu mulungudi e Efile, na mutumibwa, na mulambukishi amīlo.

I Bena Kodinda 10:11

Yino myanda yoso yibafikile kwabadi kwikala bu bihwandjikisho, yibafundjibwe mwanda wa kwitudimuna, kunfudilo kwa mahaka a hanohansenga kubafiki kwatudi.

Bena Loma 9:21

A mbūfi te na matalwa h’ema mu kubumba kibumbwe kimune kikalabale na kingi kishī kikalabale ku winyi mutanda umune su?

Yakoba 3:18

Binyibiabia bikuba bia kululama nyi mbikunwe mu kufukama kwi’ba abalombasha kufukama.

Bena Bahebelu 11:4

Nyi mpa lukuluhilo Abele balambwile Efile Mukulu kitahilo kifinyine kia Kana buwa, nyi mpa kinyi’kio e batemwinwe’shi, mululame, Efile Mukulu (namu) bamutemwinanga ha milambu y’e; nyi anka h’ayo e tadi mufwe kiakulā,

Tetusa 1:5

Nyi kianakulekye mu Kelete’shi, olumbule bintu abididi mwabidi bihwandjikile, na kusangula bakulu (ba bikoñeno bi’Efile) mu bibalo bioso, anka mwanakulungwidile.

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

Bena Loma 1:5

Nyi ank’ako kwadi e kwatubatambwile buntu na kutumibwa, ha mwanda wa kukokyela kwa lukumino munkatshi mwa mīlo yoso, ha mwanda w’eshina die.

Bikitshino 10:41

Ta ku bantu boso, ooo, anka kwi tumonyi, tubasangwilwe kwibedi kw’Efile Mukulu, nyi ank’atwe abadile n’e na kutoma n’e habahwile kusanguka ku lufu.

I Temote 2:7

Nyi ki nasangwilwa mulungudi e Efile na bu mutumibwa (nākula bia binyibinyi mu Kidisitu, tandjimbi, ooo) (na) bu mulambukishi a Badjentaila mu lukuluhilo na mu biabinyibinyi.

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

Bena Loma 1:13

Tatai bakwetu, ta nkyeb’anwe nwikale bashi beuke’shi, misusa yibungi nafuna kufika kwanudi (anka nadi mubambibwe) eshi, ’mone bikuba munkatshi mwenu namu, hamunenka na munkatshi mwa bangi Badjentaila.

Bikitshino 1:8

Anka’nwe anukatambula bukome ahakafiki Kikudi-E-Selelee hanudi: n’anwe anukekala balungudi bande bakulumgula mu Yelusalema, na mu Yudea, na mu Samadia, mpaa na kunfudilo kwa nsenga.

Mateo 7:7

Nutekye, akikenuhebwa, nukimbe, anukamono, tutulai akikenushitwilwa.

Yoano 15:5

Ami nyi mulundo wa nfinyo, anwe nyi ntabi yao: awa akekala mwimi, ami namu mwadi, e akaha bikuba bibungi; su tanwi nami tanukakitshi kintu.