Yoano 15:10 - KILOMBENO KIHYA KIA NFUMWETU YESU KIDISITU

¹⁰ Su anulama milangilo yande, anukekala mu kifulo kiande; anka hamune’ini nalamine milangilo ya Yaiya, biabia nyi mwikale mu kifulo kiE.

Yoano 15:10 Referans Kwoze

Yoano 14:15

Su nwi nami kifule nukite milangilo yande.

I Yoano 5:3

Mwanda kino nyi nkifulo ki ’Efile Mukulu’shi, tulame milangilo ye; na milangilo ye tayi bukoho, ooo.

I Yoano 2:5

ank’ese akulama Mwanda we, binyibinyi kifulo ki’Efile Mukulu kibakumbashwa munda mwe: mu yino yinyi atwiuku’shi, twi mwadie.

Ii Petelo 2:21

Mwanda ubadia kukila buwa bia bashī badi beukye eshinda dia kululama, he kwidiuka kufutala ku mulangilo uhatulwe-wi-kishila ubebahelwe.

Yoano 8:29

Bantumine winyi E n’ami: Shami tamundekyele buhenka bwande, mwanda mafuku oso nakitā abio bioso abimusangulusha.

Yoano 4:34

Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we.

I Bena Tesalonika 4:1

Kunfudilo anwe bakwetu, atwinusendela, na kwinulanga mwi Nfumwetu Yesu’shi, mwanubatambwile kwatudi mwaudi uhwandjikile’nwe kutambuka, na kusehesh’eshimba di’Efile Mukulu, nyi anka mwanudia kukishakisha.

Yoano 17:4

Nahu kukutumbisha hano-hansenga: nahu kuobesha mufubo ubompele kukita.

Yoano 14:31

Anka nakitshi mwanda ubandaile Yaiya, mwanda ba-hano-ha-nsenga beukye’shi, Ami nyi na Yaiya kifulo. Ebwei, twendei.

Yoano 12:49

Mwanda nki na kianyisambila, anka Yaiya bantumine, nyibandayile’shi, nyimodionkalungula muno, nyi modionkesambila muno.

Kibafumulwe 22:14

Basha mwabi nyi mbaba abasula mitwelo yab’oshi, bekale na matalwa a ku mutshi wa muwaau-tala, na kutwela mwanka ku bibelo bia kibalo.

Yoano 14:21

Awa e na milangilo yande kwete kwiyilama, ngyawa e nami kifulo, awa e nami kifulo, Yaiya akamufulu, nami nankamufulu namu, nankasokokela kwadi.

I Bena Kodinda 7:19

Kusalwa nkwa bisumanga, na kukutwa kusalwa nkwa bisumanga, anka kulama kwa bishila bi ’Efile Mukulu.

Bena Bahebelu 7:26

Biabianyi bibadi tshiite-mwakwidi-mukata ha mwanda w’atwe, muhatulwe e-kishila, shī na mwanda, shī na biko bi’eshimba, mulamunwe ku balwishi, tadi mukile mailu bukata;

Yoano 8:55

Biosobi tanwibamwiukye; anka’mi nyi mumwiukye: su nakula’mishi: tamwiuku, biabia nankekala mudimbanyi hamunenka anwe; anka ami biandji mwiukye, na lamīna mwanda we.

Yoano 10:18

Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

Yoano 14:23

Yesu bamwalulwile’shi: Su muntu e nami kifulo, alame mīsambo yande, na yaiya ande akekala n’e kifulo, atufikye kwadi, twikale n’e.

I Yoano 2:3

Mu yino yinyi twibeukye’shi, atumwiuku, su atulama milangilo ye.

I Yoano 2:6

Yawa akula’shi: Nyi mubombele mwadi, e na mwinyi namu wadi n’ao ngwa kukit’amukitshin’e.