Yoano 14:2 - KILOMBENO KIHYA KIA NFUMWETU YESU KIDISITU

² Mu nshibo ya Yaiya mwi bia kubombela bi bungi: su amwikalanga biabia nadia kwinulungula. Nēnde kwinulumbulwila mbalo yenu.

Yoano 14:2 Referans Kwoze

Ii Bena Kodinda 5:1

Mwanda, atwiuku’shi, su nshibo yetu ya hanohansenga (ya mbidi) yibashimunwa, (biabia) twi na yibakwe y’Efile Mukulu, nshibo yishī yibakwe na maasa, ya ikala-ika mwiilu.

Yoano 13:36

Shimona Petelo bamwihwishe’shi: Wende kwi kunyi Mwanana? Yesu bamwalulwile’shi: Kwa nyende, obe tweuku kundonda binobino, anka okandondo kunyima.

Bena Bahebelu 13:14

Mwanda tatwi na kibalo akishadidila hano, anka atutengyela kinyi akikafiki.

Kibafumulwe 21:2

Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e.

Kibafumulwe 3:12

Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu.

Bena Bahebelu 11:10

Mwanda badi atengyela kibalo, bibangilo bia’kio, Efile Mukulu nyi mwibaki na mukitshi akio.

Yoano 13:33

Anwe bakinga kubashala’nka kahindji kahela nyi nenu, Anukankimbe: anka binalungwile ba-Yudea’shi: Kwa nyende, tanwiuku kufika; n’anwe namu nenwamba’nka biabia.

Yoano 16:4

Anka yino myanda nenulungwile’shi, hakafiki diadi’efuku anukatentekesha binenulungwile kala. Nkimwinulungule yino myanda ku mbangilo, mwanda nadi nenu.

Yoano 17:24

Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.

Bena Bahebelu 6:20

Nyi mwinyi mubetutwelele’wa betubadidile, nyi ng’Yesu, tadi bu tshiitemwakwidi-mukata, mpaa na kwikala-ika mwiyile mulongo wa Meletshīsedeka.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Kibafumulwe 1:5

na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

Bena Bahebelu 9:8

N’aho henyi habetulesheshe Kikudi-E-Selelee’shi; eshinda dia ku (mbalo) yikilekile yihatulwa-yi-kishila tadiabandiile kumweka hakidi hemane kibombelelo ki’Efile kia kwibedi;

Tetusa 1:2

mu lutengyelo lwa muwa wa ikala-ika, ubayile Efile Mukulu, e teuku kudimba, habadi tahabandjile kubanga bahanohansenga;

I Bena Tesalonika 5:9

Mwanda Efile Mukulu tamwitusangule ku nsungu, ooo, anka kutambula kihandjilo kwi Nfumwetu Yesu Kidisitu,

Bikitshino 9:16

Mwanda nankamulesha mwakafwambukila mu bintu bibungi ha mwanda w’eshina diande.

Yoano 14:28

Nubahu kuhusha mwanda nenulungula’shi, bia nyende bino nankaluka kwanudi. Su anwikalanga nami kifulo, nubadi akwikala na muloo, ha mwanda nakula’shi: Nende kwi Yaiya mwanda Yaiya munkile’mi bukata.

Luka 14:22

Binyibiabia mpika bakwile’shi: A nfumwami, kibakitshibwa mobokamikila, sunga mbiabia mbalo yimudi.