Yoano 14:13 - KILOMBENO KIHYA KIA NFUMWETU YESU KIDISITU

¹³ Anka kioso kianukatekye mwishina diande, su nkinyi, su nkinyi, nankenukitshina kianka’shi, Yaiya atumbishwe mu Mwana.

Yoano 14:13 Referans Kwoze

Yoano 15:7

Anwe, su anwikekala mwimi, na myanda yande ngikale munda mwenu, nutekye kioso kia nutekye, akenukitshina bianka.

Mako 11:24

Nyi ha mwanda uno nenulungula’shi: Bioso bianukyebe ha kuteka, kuminai’shi, tubahu kwibitambula, biabia anukebitambula.

Mateo 21:22

Bintu bioso namu bianukatekye na lukuluhilo, anukebitambula.

Mateo 7:7

Nutekye, akikenuhebwa, nukimbe, anukamono, tutulai akikenushitwilwa.

I Yoano 5:14

Kuno nyi kukankamana kwatudi n’ako kwadie’shi, su atumutekye kintu kioso mulombene eshimba die, (biabia) etuhushishā,

Yoano 16:23

Biabia, mu diadi’efuku tanukangihusha su nkinyi, su nkinyi. Binyibinyi, binyibinyi, bia nyinwambashi: Kioso kia nukatekye Yaiya mwishina diande akenuha kianka.

I Yoano 3:22

na bioso biatutekye atwibitembula kwadi, mwanda atulama milangilo ye, na kukita bintu abisehesha eshimba die.

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Yoano 14:14

Kintu kioso kianukatekye mwishina diande nankenukitshina.

Yakoba 5:16

Nwisokoshenei milwisho yenu, na kwdtekyeshena’shi, nuhashibwe. Luteko lwa kukankamana alukitshishā’lwa muntu mululame alukitshi bikilekile.

Bena Fidihai 4:13

Nyi na bukome bwa kukita bintu bioso kwi winyi mumpebo, nyi Kidisitu.

Yakoba 1:5

Anka su kwi umune ’ēnu mulobeshe binangu, atekye Efile Mukulu nyi aheyā boso na mpango, tekusulā, ooo, n’akio akikamuhebwa.

Bena Efisesa 3:12

Mwadi e twibauyingye mashimba na kitwelelo kishī katshima munda ku lukuluhilo lw’e.

Yoano 16:26

Mu diadi ’efuku anukatekye mwishina diande: n’ami tanyinwambashi nankenutekyela kwi Yaiya.

Yoano 10:30

Ami na Yaiya twi umune.

Bena Efisesa 2:18

Mwanda hadi e atwe bubidi bwetu, twi na kitwelelo kwi Yaiya mu Kikudi-(E-Selelee.)

Bena Kolose 3:17

Bioso bianukitshi su mwīsambo su mu bikitshino, nukite bioso mwishina dia Nfumwetu Yesu, na kutumbula Efile Mukulu Yaiya hadi e.

Yoano 7:37

Kwifuku dia kunfudilo, adia dikata dia Bidibwa bia Kusehela; Yesu baimene bēlele musase’shi: Su muntu e na nyota, afikye kwandjimi, atome.

Bena Bahebelu 7:25

Binyibiabia euku kwibahasha mpaa na ha nfudilo abefubula kw’Efile Mukulu kwadi, mwanda e nyi atala ikala-ika mu kwibasengyela.

Yoano 14:6

Yesu bamwalulwile’shi: Ami uno nyi dinyi eshinda, na biabinyibinyi na muwa: takwi sungangumune akwifikila kwi Yaiya anka kwimi.

Yoano 12:44

Yesu bēle musase’shi: Awa ankumina’ mi, tamunkumine anka mwadi E bantumine.

Luka 11:9

N’ami nenulungula’shi: Tekai, akikenuhebwa; Kimbai anukamono; kukulai, akikenushitwilwa.

I Petelo 2:5

Anwe namu, bu mabwe a muwa nwibebakwe tanudi nshibo ya bia kikudi, nwi mu butshiite-bwakwidi, bwa kulambula bitahilo bia biakikudi, abikuminyibwa kw’Efile Mukulu ha Yesu Kidisitu.

Yoano 5:19

Binyibiabia Yesu bebalungwile’shi: Binyibinyi, binyibinyi, nenwambashi; Mwinyi Mwana teuku kukita kintu, E na mwinyi, anka kiakia kiamwene Shye akitshi: mwanda abio bioso abikita Yaiya, anka biabia abikita Mwana hamune.

Bena Bahebelu 13:15

Henyihaha hadi e tulambule kitahilo kia kulangwila kwi Efile Mukulu bukyelebukyele, kuhatula nyi nkwamba’shi, bikuba bia milomo ya kwisokola kwishina die.

Bena Bahebelu 4:15

Mwanda tatwi na tshiite-mwakwidi-mukata shyeuku kukwatshibwa mwiyile matūba etu, ooo, biosobi batompibwe mu myanda yoso hamunenka’twe, (sunga mbiabia) tamulwishe.

Bena Efisesa 3:14

Nyi mpa uno mwanda wankunaminā manwi ande kwi Nshye a Nfumwetu Yesu Kidisitu,

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Yoano 16:7

Sunga biabia, nenulungula bia binyibinyi: Mbinuhwandjikile’mi kwenda, mwanda su tanyende, Musambi takafiki kwanudi; anka su nēnde, nankamutumu kwanudi.

Yoano 13:31

Binyibiabia, habatukile Yesu’shi: Binobino Mwan’a muntu batumbishibwa, Efile Mukulu batumbishwa namu mwadi E.

I Bena Kodinda 14:13

Binyibiabia yawa ākula mu ding’edimi atekye’shi, ’mone mwa kuhatulwila.