Yoano 14:12 - KILOMBENO KIHYA KIA NFUMWETU YESU KIDISITU

¹² Binyibinyi, binyibinyi, biañakula nenu’ shi: Akankumina, biabia yino mifubo yiankitshi, akeyikitshi namu; na yingi yikile yino bukata, akeikitshi mwanda nēnde kwi Yaiya.

Yoano 14:12 Referans Kwoze

Mateo 21:21

Yesu bebālulwile’shi: Binyibinyi nenulungula’shi: Su nwi na lukuluhilo, na kushī kwalashena mwishimba, tanukakitshi anka bu bibakitshinwe ku mutshi wa kikūku, anka anukalungula namu yino ngulu’shi; yikatushwe, yiedibwe mwishiba, biabia akikakitshibwe.

Mako 16:17

Bino bitundwilo abikelondena na benyi abakakumina; mwishina diande abakabingi mikishi; abakākula’nyi na ndjimi yihia.

Bikitshino 16:18

E bakitshine bino mafuku e bungi. Anka Paulu, hakufitwa n’eshimba, bealulwile, akula kwi kikudi’shi: Nakukamikila mwishina dia Yesu Kidisitu’shi: Otuke mwanka. Binyibiabia kahindji n’āka batukile.

Bikitshino 9:34

Biabia Petelo bamulungwile’shi: Eneasa, Yesu Kidisitu akuhasha; būka, wale lusala lobe. Biabia kahindji n’āka babuku.

Bikitshino 19:12

Binyibiabia abafishishe bitambala, na tulamba bia ku mbidi ye kukatula kwi ’ba abakumbu, biabia masungu abakatukile kwabadi, na bikudi bibi bibebatukile.

Bikitshino 9:40

Anka Petelo bebatushishe boso, bakunamine hashi, tatekye; bealulwile kwi kitanda’shi: A Tabita, buka. Henyihaha babulwile meso e, na habamwene Petelo, bashalele.

Bikitshino 8:7

Mwanda bikudi bibi bibadi mu bantu bebungi bibatukile, tabiele musase n’eyi dikata, na bebungi abadi na busungu bwa kususa, na balemane abadi abahashibwe.

Bikitshino 5:15

Nyi hābafishishe bambabashi ba masungu mu misee, bebaladisha ha nsala na ha mambata’shi, sunga mwesheshi wa Petelo, ha kukila su mbiaudia kubwikila bamo b’abo.

Bikitshino 2:41

Binyibiabia abo abakuminyine eyi die na musanko, ababatshihibwe: na kudiadi ’efuku bantu bu binunu bisatu bibebatentekyelwe kwabadi.

Bikitshino 4:4

Anka bebungi b’aba abahushishe mwanda w’Efile Mukulu abakuminyine: bungi bwa bana-balume bubadi bu binunu bitano.

Yoano 16:7

Sunga biabia, nenulungula bia binyibinyi: Mbinuhwandjikile’mi kwenda, mwanda su tanyende, Musambi takafiki kwanudi; anka su nēnde, nankamutumu kwanudi.

Bikitshino 2:33

Binyibiabia tadi mukamishibwe ku mboko yibalume y’Efile Mukulu, na habatambwile kwi Shye mulayilo wa Kikudi-E-Selelee, e bahongwele kino kianumono na kianuhusha binobino.

Yoano 7:39

(Anka uno E badi akula wa Kikudi-E-Selele, badi akikyebwa kuhebwa kwi bakumukumina, mwanda Kikudi-E-Selele badi tabandjile kufika, mwanda Yesu tabadi mutumbishibwe.)

Yoano 7:33

Binyibiabia Yesu bebalungwile’shi: Nyi anka nenu kihindji kihela, biabia nyende kwi bantumine.

Bena Loma 15:19

kwanka mu katshintshi ka bitundwilo na bilengyeleshi bikata bi moo, ku katshintshi ka Kikudi-E-Selele; hakukita’shi, kubangila ha Yelusalema, na kwifunya, mpaa na kufisha ha Ididikuma, nahu kwakudidila mukāndu-wibuwa wa Kidisitu.

Bikitshino 6:7

Binyibiabia mwanda w’Efile Mukulu ubatamine, na bungi bwa balondji b’Efile bubafwimine bikata mu Yelusalema; kibumbu kikata kia batshiite-bakwidi namu abakokyele lukumino.

Bikitshino 4:16

Atukitshi bi kunyi kwi bano bantu? Mwanda binyibinyi kilengyeleshi ki moo kibakitshinwe kwabadi kibamwekyelwe kwi boso ababombela mu Yelusalema; n’atwe tatwiuku kwikituna.

Yoano 14:28

Nubahu kuhusha mwanda nenulungula’shi, bia nyende bino nankaluka kwanudi. Su anwikalanga nami kifulo, nubadi akwikala na muloo, ha mwanda nakula’shi: Nende kwi Yaiya mwanda Yaiya munkile’mi bukata.

Bikitshino 10:46

Mwanda abebahushishe bakwete kwakula (yingi) ndjimi, na kutumbisha Efile Mukulu. Binyibiabia Petelo bālulwile’shi:

Bikitshino 4:33

Biabia batumibwa abadi na bukome bukata bwa kulungula mwanda wa lusangukilo lwa Nfumwetu Yesu; na bumuntu bwimoo bubadi habadi boso.

Mako 11:13

E habamwene mutshi wa kikūku kulaa wikale na mabishi, bafikile kwaudi’shi, Su ’mone bikuba hanka; habafikile kwaudi, basañene anka mabishi nyaa, mwanda wa kihindji kia bikūku ta kibadi kikumbane.

Yoano 4:37

Biabia nyi mwanka mwisambo ngwa binyibinyi’shi: Umune akunu, mungi aumbula.

Yoano 5:20

Mwanda Yaiya e na Mwana kifulo, amulesha bintu bioso biākitā E na mwinyi: E nyi akamulesha mifubo yingi nyikile yino’shi, anwe anukakanya.