Yoano 12:42 - KILOMBENO KIHYA KIA NFUMWETU YESU KIDISITU

⁴² Henyihaha munkatshi mwa batontshi bakata babamukuminyine be bungi namu; anka ha mwanda wa baFadiseo tamba (mu) shikule, tala, baketubinga ku kitumbwilo.

Yoano 12:42 Referans Kwoze

Yoano 9:22

Babamutandjile babakudile biabia ha mwanda wa kutshina ba Yudea; mwanda Bena Yudea babashimikile kala’shi: su muntu bakumina’shi E Kidisitu, atumubingi mu kikoñeno.

Yoano 7:13

Anka tambamu temuna ku meso kwa bantu, mwanda badi aba tshinyi Bena Yudea.

Mateo 10:32

Binyibiabia muntu ese akandungwila ku mpala kwa bantu, ami namu nankamulungwila kumpala kwa Yaiya E mwiilu.

I Yoano 4:15

Ese muntu akakumina’shi, Yesu nyi Mwan’Efile Mukulu. Efile Mukulu ekadidile munda mwe, n’e namu mw’Efile Mukulu.

I Yoano 4:2

Nyi ha uno mwanda anwiuku Kikudi-E-Selelee e Efile Mukulu’shi: Kikudi kioso akikumina’shi: Yesu Kidisitu bafikile mu mbidi nkia kw’Efile Mukulu

Bena Loma 10:10

Anka kwishimba nyi akukumina muntu ku kululama, na ku kanwa namu nyi akwakwila ku kihandjilo.

Bikitshino 5:41

Biabia abakatukile ku mpala kwa kimu bakwete kusehela’shi: Twibahwandjikile kumona būfu ha mwanda w’eshina die.

Yoano 19:38

Kunyima kwa bino, Yosefe mwina Adimatea, mwan’a Yesu a bukishi ku bufiebufie, ha mwanda wa kutshina Bena Yuda moo, bakatekyele Pilato’shi; Nankyebe kuata kitanda kia Yesu. Binyibiabia Pilato bakuminyine. Henyihaha e bafikile, bātshile kitanda kia Yesu.

Yoano 16:2

Abakenutusha mu bitumbwilo: binyibinyi kihindji akikafiki, kia yawa akwinwiha akatentekesha’shi; Nafubu mufubo w’Efile Mukulu.

Yoano 12:11

Nyi ha mwanda we be bungi ba Bena Yudea abakatukile, abakumina Yesu.

Yoano 11:45

Biabia Bena Yudea be bungi babadi bafikye kwi Madia, abamwene bibakitshine Yesu, abamukuminyine.

Yoano 9:34

Babamwalulwile’shi: Obe bodi mutandjibwe binyibinyi mu bubi, wetulambukisha’twe su? Biabia babamubingile.

Yoano 3:2

Nyi winyi bafikile kwi Yesu bufuku, tamwamba’shi: Labi, tubeuku’shi, obe we mulambukishi mufiki kw’Efile Mukulu, mwanda takwi muntu euku kukita bino bitundwilo biokitshi’bi, anka su Efile Mukulu e n’e.

Luka 12:8

Nenulungula namu’shi: Ese muntu akantemuna ku mpala kwa bantu, Mwan’a Muntu namu akamutemuna ku mpala kwa bamwikeilu b’Efile Mukulu.

Luka 6:22

Mwabi ngwenu habakenushikwa kwi bantu, na habakenulamuna (munkatshi mwabo,) na kwinutohēka, na kusumbula eshina dienu bu dibi, ha mwanda wa Mwan’a Muntu.

Luka 23:13

Binyibiabia Pilato habetamine batshiite-bakwidi bakata, na batontshi ba bantu hamune,

Yoano 7:31

Bantu be bungi babamukuminyine, ababambile’shi: Ahafiki Kidisitu, akakitshi bilengeleshi bikile’bi abikitshi uno su?