Yoano 12:13 - KILOMBENO KIHYA KIA NFUMWETU YESU KIDISITU

¹³ Abātshile malala a mabo, abayile mu kumutundaisha, bēnda, abasamanga shi: Hosana: Mwabi kwi Nfumu a Isalele afiki mwishina dia Yeowa.

Yoano 12:13 Referans Kwoze

Kibafumulwe 15:3

N’abo abayimbi lono lwa Mosesa mufubi e Efile Mukulu, na lono lwa Mwan’a-Mukoko’shi: Bikitshino biobe mbikata na biakukanya, obe Yehowa Efile Mukulu Shabukomeboso; nyikashi yobe ngilulame na ya binyibinyi (obe) Nfumu a milo yoso.

Kibafumulwe 7:9

Ku nyima kwa yino myanda namwene, kibumbu kikata kishyakiuku kubadikwa na muntu, kia ku mīlo yoso, na ku bifuko bioso, na ku bantu boso, na ku ndjimi yoso, bemane ku mpala kwa luhun’a nsulu na ku mpala kwa Mwan’a Mukoko, bafwadikwe na mitwelo yitoka, na malala a mabo mu maas’abo:

Yoano 1:49

Natanyele bamwalulwile’shi: Labi, obe we Mwan’Efile Mukulu, obe we Nfumu a Isalele.

Mateo 23:39

Mwand’ami nenulungula’shi: Tanuka’mono dimonyi mpaa n’ahanukākula’shi: Yaw’ā mwabi ngiuafiki mwishina dia Yehowa.

Yoano 19:15

Anka’bo abanyishishe mayi abo’shi: Mukatushei! Mukatushei! numuihe ha nkulusu. Pilato bebehwishe’shi: Nyihē Nfumwenu su? Batshiite bakwidi bakata abamwalulwile’shi: Tatwi na mungi nfumu, anka Kesala.

Kibafumulwe 19:16

Ha mutwelo we na h’etankanta he badi n’eshina difundwe’shi: NFUMU A BANFUMU, NA MWANANA A BAMWANANA.

Yoano 12:15

Totshinanga mō obe mwana mukashi a Siona: Tala: Nfumwobe afiki mwiname ha mwan’a mpunda.

Mateo 27:42

Badi ahasha bangi, (anka) e na mwinyi bakutwa kwīhasha. Su e nfumu a Isalele, ayikengye binobino ku nkulusu, biabia atwe atukamukumina.

Yoano 12:14

Biabia Yesu habamwene mwan’a mpunda, bayinamine hanka, nwa kibafundjibwe’shi: