Yoano 10:10 - KILOMBENO KIHYA KIA NFUMWETU YESU KIDISITU

¹⁰ Ngifi kwe kufika, afwila’nka kwiba na kwiha, na kuiwisha: Ami nafikile’shi, bakamone muwa, bakeumone kukila wi bungi.

Yoano 10:10 Referans Kwoze

Luka 19:10

Mwanda mwan’a muntu bafiki kukimba na kuhasha abadi bashimine.

Yoano 6:51

Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga.

Yoano 12:47

Su muntu ahushā myanda yande, teyikumina, tankamutshibila: mwanda nkimufikye kutshibila ba-hanoha-nsenga, anka kuhasha ba-hano-ha-nsenga.

Yoano 6:33

Mwanda bidibwa bi’Efile Mukulu, nyi ngyawa baikile mwiilu, aha be ha nsenga muwa.

Yoano 3:17

Mwanda Efile Mukulu tamutume Mwan’E hanohansenga mwadia kutshibila bahanohansenga, ooo, anka’shi, be ha nsenga bahashibwe mwadi E.

I Temote 1:15

Uno mwanda ngwa kishima, na kuhwandjikila kukuminwa koso’shi, Kidisitu Yesu bafikile hanohansenga mu kuhasha balwishi; kwabadi nyi mukilekile (boso).

Yoano 10:1

Binyibinyi, binyibinyi, nenulungula’mi’shi: Shia twelela ku kibelo kia luhoho lwa mikoko, anka akamina hangi, yawa e ngifi na ntunyenanyi.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

Bena Bahebelu 7:25

Binyibiabia euku kwibahasha mpaa na ha nfudilo abefubula kw’Efile Mukulu kwadi, mwanda e nyi atala ikala-ika mu kwibasengyela.

Ii Petelo 1:11

Nyi anka biabia anukahebwa kitwēlo kikilekile bukata kia mu bufumu bwa ikala-ika bwa Nfumwetu Yesu Kidisitu.

Bena Bahebelu 6:17

Nyi mwanka Efile Mukulu, badi n’eshimba kulesha na kukishakisha kw’abahyana mulayilo, kinyi kikayikilo kia binangu, bekitshihile na mutshiho.

Mateo 23:13

Anka mpombo kwanudi Bafundji-ba-Mikanda, na Bafadiseo, bansesa! mwanda anushitshila bantu ku Bufumu bwa mwiilu: mwanda tanutwele mwanka anwe bana bene, na baba abakyebe kutwela mwanka anwibaheleshā.

Bena Loma 2:21

A binyibiabia ob’alambukisha mukwenu, twelambukisha namu obe na mwinyi? Obe olungula muntu’shi; toibanga, obe namu oiba su?

Mateo 18:10

Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu.

Mako 11:17

N’E bebalambukishe’shi: A shī mufundjibwe’nyi, eshi; Nshibo yande ayikatemunwa’shi, nshibo ya milangwilo ya mīlo yoso? ank’anwe nubeialula bu muta wa bangifi.

Yoano 12:6

Biosobi bibakwile bino, ta mwanda e badi na kanya kwi balanda, ooo: anka ha mwanda badi ngifi, enyi badi n’edimba, mutwale bibadi bitule mwanka.

Mateo 21:13

E bebalungwile’shi: Kibafundjilwe’shi: Nshibo yande ayikatemunwa bu nshibo ya nteko; anka’nwe nubeialula bu mwa kwikoñgyela bangifi.

Yoano 5:40

N’anwe anutunu kufika kwandjimi, kwa nudi akutambula muwa.

Yoano 10:11

Ami nyi katshunga kebuwa, katshunga kebuwa afwila mikoko.

Mateo 18:11

Mwanda Mwan’a Muntu bafwile mu kuhasha kibadi kishimine.