Yoano 1:48 - KILOMBENO KIHYA KIA NFUMWETU YESU KIDISITU

⁴⁸ Natanyele’shi: A bonukile na minyi? Yesu bamwalulwile’shi: Habadi Fidiha takakwitanyine, hobodi mushi mwa mutshi wa kikuku, nakumwene.

Yoano 1:48 Referans Kwoze

Yoano 2:25

Tabadi na lukalo’shi, Muntu ahatule muntu, mwanda beukanga kibadi munda mwa bantu.

Mateo 6:6

Ank’obe hōtekye, twela mu kadimbo kobe, hobohwile kushita kibi kiobe, otekye kwi Shyobe E mu bufyefye, na Shyobe amono mu bufyefye, akakuha bwedi ha toka.

I Bena Kodinda 14:25

N’anka biabia yifībwe y’a mwishimba die ngisokolwe; biabia akahono mubandjikye mpala ye hashi, talangwila Efile Mukulu, na kwakula’shi: Efile Mukulu e munkatshi mwenu binyibinyi.

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Mateo 10:3

Fidiha na Batolomyu, Tomase na Mateo winyi musangishi-a-milambu, na Yakoba mwan’a Alafesa na Lebeusa, dingi die bu Tadeusa.

Yoano 1:44

Winyi Fidiha badi mwina Betesaida, kibalo kia Andeleo na Petelo.

Yoano 6:5

Hababandulukile Yesu meso E, bamwene kibumbo kikata akitiki kwadi E, balungwile Fidiho, eshi: Atukaula mampa kwi kunyi akuha’ba, bādi?

Yoano 6:7

Fidiho bamwalulwile’shi, Sunga mampa aulwe ku nfalanga nkama ibidi kwi baha muntu kahela, muntu kahela, ta bakalombana, ooo.

Yoano 12:21

Binyibiabia, abo abafikile kwi Fidiho, mwina Beteseda a Ngadile; abamwihwishe’shi: A! Mwanana, atukyebe kumona Yesu.

Yoano 14:8

Biabia Fidiha bamulungwile’shi, A Nfumwami etuleshe winyi Shobe, biabia kitulombene.