Yoano 1:17 - KILOMBENO KIHYA KIA NFUMWETU YESU KIDISITU

¹⁷ Mwanda mukanda-wa-bishila ubahelwe (bantu) ha Mosesa; bu-muntu na biabinyibinyi bibafikile ha Yesu Kidisitu.

Yoano 1:17 Referans Kwoze

Bena Loma 6:14

Mwanda milwisho’nyi tayi kiayikenumuna’nyi bu nfumwenu, ayoyo; anwe’nyi ta nu ki ku mukanda-wa-milangilo, ooo, tanudi ku buntu bwa bisumanga.

Yoano 14:6

Yesu bamwalulwile’shi: Ami uno nyi dinyi eshinda, na biabinyibinyi na muwa: takwi sungangumune akwifikila kwi Yaiya anka kwimi.

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Bena Bahebelu 9:22

Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda.

Yoano 8:32

Anukauku namu bia binyibinyi, na bia binyibinyi abikenukulu bu baluñantu.

Yoano 7:19

Mosesa tamwinuhe mikanda ya milangilo su? anka takwi muntu sungangumune’nu eyikitshi. A ha mwanda kinyi wa nukyebe kuñihaila?

Bikitshino 28:23

Binyibiabia habamusangwidile efuku, kubafikile bebungi kwadi, e bebahatulwidile na kwibalungula bu kamonyi ka bufumu bw’Efile Mukulu, na kwibakonkwela ha mwanda wa Yesu, ku namashika, mpaa na ku kiolwa, mu mukanda-wa-bishila bia Mosesa na mu a Batemuki.

Bena Ngalatea 3:17

Uno nyi wanyisamba’mi’shi: Kinyi kihwano kibabadidile kukankamikwa kw’Efile Mukulu, mu Kidisitu. Mukanda wa bishila nyiu bafikile kumongo, kwa bihwa nkama yinanka na bihwa makumi asatu taualulusha mulayilo’shi, ngwa bisumanga, ooo.

Bikitshino 7:38

Uno nyi badi mwikale mu kikoñeno ki’Efile mu kabāka na mwikeilu, winyi bākwile n’e na banshyetukulu mu ngulu ya Sinai. E nyi batambwile bishima bia muwa kwituha’twe.

Yoano 5:45

Ta nutentekeshanga’shi: Ami nankenuhīsha kwi Shami: akenuhīsha e kwanka, nyi Mosesa, anwibakuluhile.

Ii Bena Kodinda 1:20

Mwanda milayilo yoso y’Efile Mukulu mwadi e yi’ anka ee, ayo, ngia Amena, ’shi, Efile Mukulu atumbishibwe ha mwanda w’atwe.

Yoano 9:29

Atwiuku’ Efile Mukulu bakwile kwi Mosesa; anka uno muntu tatwibeukye kubafikile.

Yoano 18:37

Binyibiabia Pilato bamulungwile’shi: A biosobi we nfumu su? Yesu bamwalulwile’shi: Wokula wa binyibinyi nyi nfumu. Natandjilwe ha uno mwanda, nafikile hano-hansenga namu ha uno mwanda, eshi, nkakule bu kamonyi ka bia binyibinyi. Ese a bia binyibinyi ahushā Eyi diande.