Yoano 1:14 - KILOMBENO KIHYA KIA NFUMWETU YESU KIDISITU

¹⁴ Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Yoano 1:14 Referans Kwoze

I Yoano 4:9

Mu uno nyi mubamwekyele kifulo ki’Efile Mukulu kwatudi’twe, mwanda’shi, Efile Mukulu batumine Mwan’e eleka mutandwe hanohansenga, mwatudia kwikala na muwa hadie.

I Temote 3:16

Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

Yoano 1:1

Kwibedi n’ebedi Mwanda ubadi kwanka; winyi mwanda ubadi n’Efile Mukulu, na mwinyi mwanda ubadi Efile Mukulu (na mwinyi).

Bena Ngalatea 4:4

anka habakumbene kihindji, Efile Mukulu batumine Mwan’e, atandjibwa kwi mwana mukashi, mufikile mu mukanda-wa-bishila’shi,

Bena Bahebelu 1:3

e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;

Yoano 6:51

Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga.

Bena Kolose 1:19

Mwanda ubatosheshe Yaiya mwishimba’shi biushibwe bioso bikale mwadi e;

I Bena Kodinda 15:47

Muntu a kwibedi nga hanohansenga, anka muntu akabidi, e nyi Nfumwetu a Mwiilu.

Bena Loma 8:3

Akia kibakutshilwe mukandawa-milangilo katshintshi, mwanda wa lotolo lwa mbidi, Efile-Mukulu hakutuma Mwan’e na mwinyi mu kihwandjikisho kia mbidi ya milwisho, na ha mwanda wa milwisho, bahīshishe milwisho mu mbidi.

I Yoano 4:14

N’atwe tubahu kumona, na kwakula bu kamonyi’shi, Yaiya batumine winyi Mwana kwikala Muhashi a bahanohansenga.

Bena Kolose 2:9

Mwanda kikumbana kioso kia bw’Efile-Mukulu a mbidi yishima akibombelā mwadi e.

Ii Yoano 1:7

Mwanda bōngoshi bebungi mbahalakane hanohansenga, baba tabakumina’shi, Yesu Kidisitu bafikile mu mbidi. Uno nyi mōngoshi na mwituhishene na Kidisitu.

Kibafumulwe 21:3

Nahushishe namu eyi dikata adituku mwiilu’shi: Talangai, kibombelelo ki’Efile Mukulu ki munkatshi mwa bantu, n’e akabombele munkatshi mwabo, abo banakekale bantu be, n’Efile Mukulu na mwinyi anakekale n’abo, t’Efile Mukulu abo.

Bena Bahebelu 5:5

Na Kidisitu namu tamwitumbishe na mwinyi kwikala bu tshiite-mwakwidi-mukata, ooo, anka yawa bamulungwile’shi: Obe we mwan’ande mulume, lelo uno nakutanda.

Bena Bahebelu 10:5

Binyibiabia habafikile hanohansenga bakwile’shi: Bitahilo na milambu twebikyebā, anka mbidi nyi yiondumbuludile:

Yoano 11:40

Yesu bamwihwishe’shi: A nkikulungwila’mishi su bokumina okamono ntumbo y’Efile Mukulu su?

Yoano 3:16

Mwanda Efile Mukulu bakishekishe kifulo na be ha nsenga’shi, E bahe Mwan’E umunenka eleka’shi, ese akumina mwadi E, takalwika, ooo, anka akatambule muwa wa ikalaika.

Yoano 2:11

Kino, nyi kibangilo kia bitundwilo bibakitshine Yesu mu Kana ka Ngadilea; nyi habafumbwile ntumbo ye: bana-be-ba-bukishi bamukumina.

Yoano 14:6

Yesu bamwalulwile’shi: Ami uno nyi dinyi eshinda, na biabinyibinyi na muwa: takwi sungangumune akwifikila kwi Yaiya anka kwimi.

Bena Bahebelu 1:5

A nku kihindji kinyi kwa tabākwile kwi sunga ngumune a bamwikeilu’shi: Obe we Mwan’ande, lelo uno nyi dianakutanda? sunga mpangi shi: Ami uno nakekala kwadi bu Nshyē, n’e (namu) akekale kwandji’mi bu ande mwana?

Yoano 14:9

Yesu bamwihwishe’ shi: Kihindji kikata kinashala nenu bino’ki, biosobi tanwibanukye obe Fidiha? akunmona’mi bahu kumona Yaiya; biabia obe tombashi: Etuleshe Shobe?

Luka 9:32

Anka Petelo na babadi n’abo abanemenenwe na tulo, habadi ababuku, abamwene ntumbo ye, na bana balume babidi abadi bemane n’e.

Yoano 17:22

Ntumbo yibompele, nebaha’yo, eshi, bekale buumune, bu twi n’obe twi umune.

Yoano 3:18

Yawa akumina hadi E tatshibilwa, ooo, anka yawa shī mukumine, tahwanga kutshibilwa, mwanda e tamukumine mwishina dia Mwan’eleka ’Efile Mukulu.

Luka 2:11

Mwanda lelo kubenutandjilwa mu kibalo kia Dafidi, Muhashi E nyi Kidisitu Nfumu.

Bena Bahebelu 2:11

Mwanda e alamunāselelee, n’aba balamunwe-selelee, abo boso be ku umune; ha uno mwanda nyi ha shī na būfu kwibetanyina bu bakwetu’shi,

Ii Bena Kodinda 12:9

E bandungwile’shi: Bu-muntu bwande mbukulombene; mwanda bukome bwande mbukumbashibwe mu butūba. Biabia tantumbisha n’eshimba di soo mu butūba bwande’shi, bukome bwa Kidisitu bwikale n’ami.

Mateo 1:16

Yakoba batandjile Yosefe mulunda a Madiya, kwadi nyi kubatandjilwe Yesu, winyi batemwinwe bu Kidisitu.

Bena Kolose 2:3

Mwadi e bia binemo bioso bia kalolo na kiukilo mbifībwe.

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Bena Loma 9:5

Ñanka’bo benyi ba bashetu-kulu, na kwa badi, nyi kubafikile Kidisitu mulombene mbidi ye, na mwinyi e ku nundu kwinyi kwa boso, Efile-Mukulu a mwabi wa ikala-ika. Amena.

Luka 2:7

Batandjile mwan’e mulume a kwibedi; bamuhombele mu kilamba, bamuladika mu kidilo kia nyama, mwanda mu nshibo ya benyi mubakutshilwe mbalo.

Bikitshino 13:33

Efile Mukulu beukumbesha kwatudi’twe bana babo hakubusha Yesu; mwakibafundjilwe namu mu lono lwa-milangwilo lwa kabidi’shi: Obe we Mwan’ande, lelo uno nkutandjile.

Yoano 8:32

Anukauku namu bia binyibinyi, na bia binyibinyi abikenukulu bu baluñantu.

Yoano 17:24

Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.

Yoano 18:37

Binyibiabia Pilato bamulungwile’shi: A biosobi we nfumu su? Yesu bamwalulwile’shi: Wokula wa binyibinyi nyi nfumu. Natandjilwe ha uno mwanda, nafikile hano-hansenga namu ha uno mwanda, eshi, nkakule bu kamonyi ka bia binyibinyi. Ese a bia binyibinyi ahushā Eyi diande.

Kibafumulwe 19:13

Badi mufwale mutwelo umaminwe mase; n’eshina die nyi Mwanda w’Efile Mukulu.