Yoano 1:10 - KILOMBENO KIHYA KIA NFUMWETU YESU KIDISITU

¹⁰ E na mwinyi badi hano ha nsenga, na hano ha nsenga namu habadi hahangwe kwadi; anka bahanohansenga tambamwiukye.

Yoano 1:10 Referans Kwoze

Yoano 17:25

A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

I Yoano 3:1

Talangai mwiyile kihaso kia kifulo kibetuhele Yaiya’shi, tutemunwe bu bana b’Efile Mukulu, biabia bahanohensenga tabetwiuku, mwanda tababadi bamwiukye.

I Bena Kodinda 2:8

Bishī biukibwe kwi bamunyi ba bahanohansenga, sunga ngumune; mwanda su abadi beukye (bianka,) biabia tababadia kubamba Nfumwetu a ntumbo ha nkulusu.

I Bena Kodinda 1:21

Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile.

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Bena Bahebelu 11:3

Ha lukuluhilo atushingula’shi, hanohansenga hoso habalumbulwilwe ku Mwanda ubakwilwe kw’Efile, biabia bintu abimonwa tabibakitshinwe ku bintu abimweka, ooo.

Yoano 1:18

Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.

Yoano 1:5

Etata namu aditosha ’mufito, na mufito tawidishingula, ooo.

Bikitshino 14:17

Sunga mbiabia e tamulekye namwinyi kushi kamonyi, kwete kukita bibuwa, betuhele mpeshi mwiilu, na bihindji bibuwa bia kuha bikuba, betuushishe ’mashimba na biakudia na muloo.

Yoano 5:17

Anka Yesu bebalulwile’shi: Shami afubā kwibedi mpaa na bino, n’ami namu nafubu.

Yoano 1:3

Bintu bioso bibahangilwe kwadi, takwi kintu sunga nkimune kishī kihangibwe n’E.

Yoano 1:11

Bafikile ku b’e na mwinyi, anka b’e na mwinyi tambamutambule, ooo.

I Bena Kodinda 8:6

Anka kwatudi’twe kwi Efile Mukulu umune, e nyi Yaiya, mwadi e nyi mutukye bintu bioso, n’atwe twi mwadi e, na Nfumu umune Yesu Kidisitu, mubatukile bintu bioso, n’atwe namu.

Bena Kolose 1:16

Mwanda kwadi e bintu bioso bi mwiilu bibahangilwe, n’abi hano ha nsenga, abimwekibwa na bishyabimwekibwā, sunga mpun’a nsulu (ya bufumu,) sunga butontshi, sunga mafumu a ba I’Etat, sunga bamatalwa, biosobioso bibahangilwe kwadi e, na ha mwanda we.