Yakoba 1:4 - KILOMBENO KIHYA KIA NFUMWETU YESU KIDISITU

⁴ Anka mufwaka ukite mufubo wa’o ukumbane’shi, nwikale bakumbane na balumbuedidīle, bashī balobeshe kintu.

Yakoba 1:4 Referans Kwoze

I Petelo 5:10

Anka winyi Efile Mukulu sha bu-muntu boso, winyi e betwitanyine ku ntumbo ye ya ikala-ika kwi Kidisitu Yesu, hanukahu kufwambuka kihindji, enulombashe biya, na kwinukankamisha, na kwinunyisha, na kwinushadisha.

Luka 21:19

Mu lwishinko lwa mashimb’enu nyi mwa nukamwena bikudi bienu.

Mateo 5:48

Binyibiabia nwikale bakumbane, bu bi Shyenu E mwiilu E mukumbane.

Ii Temote 3:17

muntu Efile Mukulu ekale mukumbane, mulumbuludile ku mifubo yoso yilumbulukye.

Bena Bahebelu 13:21

enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena.

Bena Ngalatea 6:9

Henyi haha tatukokangai mu kukita kwa bibuwa; mwanda atukaumbula ahakakumbana kihindji, su tatuhungila.

Yakoba 3:2

Mwanda atukokola mu myanda yibungi. Su kwi muntu shyakokolā mu mwisambo, yawa nyi muntu mukumbane, euku namu kutonta mbidi (ye) yishima.

Yakoba 1:5

Anka su kwi umune ’ēnu mulobeshe binangu, atekye Efile Mukulu nyi aheyā boso na mpango, tekusulā, ooo, n’akio akikamuhebwa.

I Bena Kodinda 2:6

Sunga mbiabia, atwakulā binangu munkatshi mwa baba ba tabahwile kukula, anka tambinangu bia bahanohansenga, sunga mbwa bamunyi ba bahanohansenga abakekashwa bu ba bisumanga;

Bena Kolose 4:12

Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu.

Luka 8:15

Ank’aya ya mu nsenga yibuwa, mbaba abahusha Mwanda, abeulama mwishimba dia binyibinyi dibuwa, abaha bikuba na kwishinka.

Mateo 10:22

Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa.

Ii Petelo 1:9

Anka yawa akutwa yino myanda e mpofu, e na meso e mindjua, baīlwe kusulwa kwe kwa milwisho ye ya kala.

Yoano 17:23

Ami nyikale munda mwabo, n’obe namu mwande eshi bekale balombane bu umune, eshi bahanohansenga beukye’shi obe bontumine, n’obe bohu kwikala n’abo kifulo, bu modi nami kifulo.

Luka 18:22

Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde.

Mako 10:21

Binyibiabia Yesu bamutadile nyaa, bamufudile kifūlo, bamulungwile’shi: Kubakushala’nka kimune, nda, okahane biodi n’abio bioso, okebihe balanda, biabia okamono buheta mwiilu, olukye, eboshe nkulusu, ondonde.

Mateo 19:20

Yawa nsongwalume bamwakwile’shi: Bino bioso nebilamine mpaa na ku bukinga bwande; kiandji mukutwe nkinyi?

I Bena Tesalonika 5:23

N’Efile Mukulu a kufukama e na mwinyi enulamuna selelee bushima; na kikudi kienu, n’eshimba dienu na mbidi yenu bikale bibambībwe bishima bishyabitohekwa mpaa na ku kufika kwa Nfumwetu Yesu Kidisitu.