Tetusa 3:5 - KILOMBENO KIHYA KIA NFUMWETU YESU KIDISITU

⁵ tampa bikitshino bia kululama biatubakitshine’twe, ooo, anka mulombene lusa lwe betuhashishe, ku kusulwa kwa kutandjibwa-kwa-kabidi, na ku kuhangulwa kwi Kikudi-E-Selelee;

Tetusa 3:5 Referans Kwoze

Ii Temote 1:9

Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe.

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

I Petelo 3:21

Kinyi kihwandjikisho kia lubatshisho hamunemka alwituhashā (kushī kukashibwa kwa biko bia mbidi, ooo, anka nyi nkukyeba kw’eshimba dibuwa dia munda kw’Efile Mukulu) ha lusangukilo lwa Yesu Kidisitu,

I Petelo 1:3

Efile Mukulu Yaiya a Nfumwetu Yesu Kidisitu ahebwe mwabi, e mwiyile lusa lwe lukishekishe betutandjile diakabidi ku lukuluhilo lwa muwa, ha lusangukilo lwa Yesu Kidisitu ku lufu,

Bena Loma 12:2

Ta nwikalanga kuhwandjikishwa na bahanohansenga; anka nwikale bālulukye ha kwisambula binangu bienu’shi, nutompe akikyeb’eshimba di’Efile-Mukulu, nyi kilumbulukye, kilubilwe, na bushima bwinyi.

Bena Efisesa 2:4

Anka Efile Mukulu e na buheta mu lusa, ha mwanda wa kifulo kie kikata ki moo, kiabetufūle n’akio,

Bena Efisesa 5:26

mwadia kwikilamunwina tankishila, na kwikisula mema a bishima bibakwilwe.

Bena Loma 11:6

Na su kwanka mpa buntu, biabia takwi ha bikitshino, ooo; su ta mbiabia, biabia buntu bwinyi tambuntu ooo.

Bena Bahebelu 4:16

Biabia tusumine kwifubula hehi ku luhun’a-nsulu lwa bu-muntu bw’Efile’shi; tutambule lusa na kumona bukwashi mu kihindji kia lukalo.

Bena Kolose 3:10

nubahu namu kufwala (muntu) muhya, winyi musangudibwe muhya mu kiukilo kikumbane mwiyile kihwandjikisho ki’awa bamuhangile:

Bena Ngalatea 2:16

Anka hakwiukashi, muntu takabingishibwa ku bikitshino bia mukanda-wa-bisliila, ooo, anka ku lukumino lwa mu Yesu Kidisitu, bu mwatubakuminyine mu Kidisitu Yesu, mwatudia kubingishibwa ku lukumino lwa (mu) Kidistu, kushī ku bikitshino bia mukanda-wa-bishila, ooo; mwanda ku bikitshino bia mukanda-wa-bishila takwi muntu akabingishibwa, ooo.

Bena Loma 3:20

Binyibiabia ku mifubo ya mukanda-wa-milangilo ta kwi muntu akabingishwa ku meso kwe ooo; anka ha mwanda wa mukanda-wa-milangilo nyi ha kiyukilo kia kulwisha.

I Petelo 2:10

anwe ha kala tanubadi bu bantu, ooo, anka binobino nwi bantu b’Efile Mukulu; tanwibafwilwe lusa, anka binobino nubafwilwa lusa.

Bena Efisesa 4:23

Nulumbulwe dimonyi mu kikudi kia binangu bienu;

Bena Loma 3:28

Binyibiabia tubākula’shi, muntu babingishwa ku lukumino, lushī bikitshino bia mukanda-wa-milangilo.

Bena Loma 9:11

(Mwanda habadi bana tamba bande kutandjibwa, sunga tababadi babange kukita mwanda wibuwa sunga ngubi, biadia kushimatshisha kufuna kw’Efile-Mukulu mulombene kusangula kwe eshi, tankwa ha bikitshino ooo, anka kwadi e akwitamina),

Luka 1:78

Ha mwanda wa kutshitshimuka kwa kanya k’Efile Mukulu etu. Nyi habetufikila kutunduka kwa nguba mwiilu manyanya.

Luka 1:54

Basambile Isalele mufubi E, lia kutentekyesha lusa lwe.

Luka 1:50

Lusa lwe lwi ku bihungilo na bihungilo kwi’bo abamutshinyi.

Tetusa 3:4

Anka habamwekyele kanya k’Efile Mukulu Muhashi etu, na kalolo (ke) kwi bantu,

Bena Loma 9:30

A binyibiabia kiatukyebe kwakula nkinyi? eshi, Badjentaila bashī abalondo kululama, abafikile ha kululama, n’ako nkululama kwa ha lukumino.

Bena Loma 9:16

Binyibiabia taki kwi e kikyebe ooo, sunga kwi akukama lubilo; anka ki kw’Ifile-Mukulu akufwila lusa.

Bena Loma 4:5

Biabia kwi’wa ta kitshi bikitshino, ank’akumina mwi abingishā bashī be n’Efiīe-Mukulu, lukumino lwe alutemunwa kululama.

Luka 1:72

Kusamba bashyetu lusa, na kunangushena kilombeno ki’e kihatulwe-ki-kishila.

Bena Bahebelu 6:6

Su abakalamunuka, akukakutshikwa kwibālusha dimonyi ku kwilanga kw’eshimba, mwanda abeyihayila dimonyi Mwan’Efile Mukulu ha nkulusu abo bana bene, na kumukwatshisha būfu hatoka.

Mateo 3:11

Binyibinyi ami nenubatshisha mu mema a ha kwilanga kwishimba, anka’wa andondo munyima munkile’mi bukata, bilato bie ami nkimuhwandjikile kwibitwala, ooo; e akenubatshisha mu Kikudi-E-Selelee na kālo.

Bena Loma 11:14

Ami’shi su neuku su nkinyi su nkinyi kia kukwatshisha ba kumbidi kwande mukao eshi, mpashe bamo.

Bena Bahebelu 10:22

tyifubule hehi n’eshimba dia binyibinyi, mu lushingulwilo lukumbane lwa lukuluhilo, na mashimb’etu ngamaminwe soo ku di’eshimba-dia-munda dibubi, na mbidi yetu (namu) ngitumpibwe na mema e selelee.