Tetusa 3:3 - KILOMBENO KIHYA KIA NFUMWETU YESU KIDISITU

³ Mwanda’twe kala tubadi bahatamine, bashyabakokyelā, abongolwanga, na kufubila ngabiabi na bisehelwa bia bihaso na bihaso, tubadi bekale mu kufita, mu mukalala, beshikwene abo bana bene.

Tetusa 3:3 Referans Kwoze

Bena Kolose 1:21

Anwe kala nubadi batuhishene na kumushikwanyi mu binangu bienu ku bikitshino bi bubi, anka binobino e benulombasha,

Bena Loma 6:17

Anka Efile-Mukulu atumbudibwe, bia bianubadi bu bahika ba milwisho, bino bianubakokyela kwishimba kwinyi ku kia kihaso kia bulambukishi bwa benufishishe;

Bena Kolose 3:7

Nyi mwanubatambukile namu kala hanubadi anukitshī’yi myanda.

Bena Loma 6:22

Anka binobino nubalekyelwa ku milwisho, nubaluluka, tanudi bu bahika b’Efile, amo nyi mwa tanumwena bikuba bia ku kilamunwekikishila, na kunfudilo namu, muwa wa ikalaika.

I Petelo 1:14

bu bana bakokyele bashyabehwandjikisha bu mwanubadi bekyele mu bia ngabiabi yenu ya kwibedi mu kuhatamina kwenu.

Ii Bena Kodinda 12:20

Mwanda natshinyi, tala hankafiki, nankenusañana ntwanshī mukyebele, nami (namu) nankasañanwa n’enu mwanushyanukyebela: tala su kwekala mpaka, na kiutu, nsungu, mima, twihu, mikoso, kwinemeka, kwituhishena.

Yoano 8:34

Yesu bebalulwile’shi: Binyibinyi, binyibinyi, ihenulungula’mi’shi: Muntu ese akitshi bubi, e mpika a bubi.

Mateo 21:29

E bālulwile’shi: Tanende, ooo. Anka kumongo bālulwile’shimba die, bayile.

Yakoba 1:26

Su kwi muntu munkatshi mwenu ahwandjikisha’shi: nyi mwina Efile, n’e takakā edimi die, anka ēdimba eshimba die, biabia bwin’Efile bwa yawa muntu mbwa bisumanga.

Bena Ngalatea 6:3

Su muntu ehwandjikisha’shi: Nyi mukalabale, hakī bu bisumanga, (biabia) ēdimbi e na mwinyi.

Luka 21:8

E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

Kibafumulwe 18:2

E belele musase n’eyi dikilekile bukata’shi: Babelone mukata bahono, bāluluka ta nkibombelelo kia biso, na bu nshibo ya lukano ya bikudi bioso bibubi, na bu kikutu kia tonyi toso twi butete na tushikībwe.

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 12:9

Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Bena Loma 6:6

Hakwiuka bino’shi, bu-muntu bwetu bwa kala bubaihaibwe ha nkulusu n’e’shi, mbidi ya kulwisha yikatukīdile’shi, atwe ta tukekala’nyi dimo mbuhika bwa milwisho, ooo.

Bena Loma 6:12

Binyibiabia ta nwilekanga milwisho kumuna bu nfumu mu mbidi yenu ya lufu, eshi, mu kukokyelanga mu kutona kwa meso a malakā’ko, ooo.

Bena Loma 11:30

Mwand’anwe kalaa anka mwanubadi tanwibakokyel’Efile-Mukulu, anka bino nubafwilwa lusa ha mwanda wa bukolwa bwabo:

Ii Temote 3:6

Mwanda be bino mbaba abongolokyelā mu mashibo, na kōngwela bana bakashi bahatakane, banemenwe na ntilwisho, abakunkwishwa kungi na ngabiabi yabo ya bihaso na bihaso;

Ii Temote 3:13

Anka bantu babi na bansesa abakēnd’ābafwimanga na kufwima kwa ku bubi, na kōngoshena na kwiongola (bana bene).

Tetusa 1:16

Abo abakumina’shi; Atwiuku Efile Mukulu; anka mu bikitshino abamutunu, basha butete na bashyabakokyela, na ku mifubo yoso yibuwa mbatombokye.

Tetusa 2:12

bwa kwitulambukisha’shi, tutune bushī bwin’Efile Mukulu, na ngabiabi ya hanohansenga, biatudia kwikala na witongo, na kululama, na bu ba bwin’Efile Mukulu hanohansenga;