Tetusa 2:14 - KILOMBENO KIHYA KIA NFUMWETU YESU KIDISITU

¹⁴ Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Tetusa 2:14 Referans Kwoze

Bena Bahebelu 9:14

A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa?

Bena Efisesa 2:10

Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.

I Petelo 2:9

Ank’anwe nwi kihungilo kisangudibwe, mbutshiite-bwakwidi bwa bufumu, mwīlo uhatulwe-wi-kishila, bantu ba kwikala b’ē b’ē’shi, mwanudia kuleshesha bia ntumbo bia yawa benwitanyine ku mufito, mpaa na mwitata die dia kukanya;

I Petelo 1:18

mwanda anwiukushi, tanwibakūlwe na bintu abilwilā hamune bu nfedha na nsahabu ntulombene nyikashiya bisumanga (yianubatambwile) ku mwisambilo ubetentulushenanga bashyenu-kutu, ooo,

Tetusa 3:8

(Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu.

Kibafumulwe 5:9

Abo abadi abayimbi lono luhya’shi: Obe ’muhwandjikile kuata mukanda, na kulamuna biukilo biao; mwanda boyihayibwe, bwetukudile kw’Efile Mukulu ku mase obe, mu bisaka bioso, na mu ndjimi yoso, na mu bantu boso, na mu milo yoso;

Bena Ngalatea 3:13

Kidisitu betukudile ku muloa wa mukanda-wa-bishila, hakwitwialulwila tadi mwelwe muloa: Mwanda ubafundjibwe’shi: Edibwe muloa ese abambibwa ha mutshi;

Bena Ngalatea 2:20

Naihaībwa ha mutshi uhingishene hamune na Kidisitu, biosobi nafala, anka tanami na mwinyi ooo, nyi ñanka Kidisitu atala mwimi; na muwa wandji n’au binobino mu mbidi, nyi mwikele n’au ku lukuluhilo lwa Mwan’Efile Mukulu banfule kifulo, behanyine namu, e na mwinyi, ha mwanda wande.

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

Bikitshino 9:36

Binyibiabia mu Yoha mubadi mulondji eshina die bu Tabita, kuhatula kwa’dio nyi Dokasa. Uno mwana mukashi badi mukambe na bikitshino bibuwa na kuhana kwa buntu.

Kibafumulwe 1:5

na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

I Yoano 3:2

A batomibwe kifulo, binobino twi bana b’Efile Mukulu, takwamwekyele mwa tukekela, ooo; anka’twiuku’shi, hakamweka, atukekalan’ka biadi; mwanda atukamumono mwadi mwikele.

I Petelo 3:18

Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi;

I Petelo 2:12

nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa.

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Yoano 10:15

Anka bu binukye Yaiya, neuku Yaiya namu anka hamune: natudile mikoko muwa wande.

Bena Bahebelu 10:24

Twitentekeshenei ku muntu ku muntu kwibembena ku kifulo na bikitshino bilumbulukye.

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Bena Efisesa 5:2

nutambukil’anka mu kifulo, bu mwitufudile Kidisitu kifulo, e namu betwihanyine tadi bu mulambu na bu kitahilo kw’Efile Mukulu kwikala bu mahembwe e mwenyi.

Yakoba 4:8

Nwifubulei kw’Efile Mukulu n’E akenwifubula. Sulai maas’enu anwe balwishi, toshai mashimb’enu anwe ba mashimba abidi.

I Temote 2:10

anka na bikitshino bibuwa (bekal’anka bu bana bakashi balombene bu abatemunwa bu b’Efile Mukulu).

I Temote 2:6

E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane.

I Temote 1:15

Uno mwanda ngwa kishima, na kuhwandjikila kukuminwa koso’shi, Kidisitu Yesu bafikile hanohansenga mu kuhasha balwishi; kwabadi nyi mukilekile (boso).

Bikitshino 15:14

Shimona bahu kuhatula mubakitshinyine Efile Mukulu kwibedi kwi Badjentaila kuata munkatshi mwabo bantu, tamba mwishina die.

Bikitshino 15:9

Tambilekene n’atwe n’abo, ooo, batoshwa mashimba’bo na lukumino.

Yoano 6:51

Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga.

Mateo 3:12

Kihehwilo kie ki mwiasa die, akatosha selelee ha mutāla he, akaumbula misekye ye mu mutala, anka akashikye mpaha mu kālo kashyakashimibwa.

Mateo 1:21

Akatande mwana mulume, okamūdika bu Yesu, mwanda e akahasha bantu be ku milwisho yabo.

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

Bena Efisesa 1:11

Mwadi e namu nyi mwatubatambula buhyanyi, hakufuna (kala) mulombene eshimba di’awa akitshina bintu bioso muyile binangu bia mukyebela eshimba di’e’shi,

Bena Bahebelu 1:3

e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

I Yoano 1:9

Su atukumina milwisho yetu, e na kishima na kululama kwitulekyela milwisho yetu, na kwitutosha ku yishīyilulame yoso.