Tetusa 1:15 - KILOMBENO KIHYA KIA NFUMWETU YESU KIDISITU

¹⁵ Kwi’ba basha mashimba-E-Selelee bintu bioso bi selelee; anka kwi’ba abashula bishila, bashī bakumine, takwi kintu selelee ooo; anka binangu biabo n’eshimba dia munda ndishule.

Tetusa 1:15 Referans Kwoze

Bena Loma 14:14

Ami neuku, nyi musumīne namu mu Nfumwetu Yesu’shi, ta kwi kintu, sunga nkimune, akiyikēla butete akio ki na mwinyi; anka kwi e atemuna kintu’shi, ki butete, kwadi e akimwikēla bu butete.

Bena Loma 14:20

Ha mwanda wa bidībwa ta nulwishanga mifubo y’Efile. Eyo, bintu bioso bi selelee, anka kwi ādi akokosha mukwabo, nyi bubi.

I Bena Kodinda 10:23

Bintu bioso tabi kishila, anka bintu bioso tabitwikasha na muloo; bintu bioso tabi kishila, anka bintu bioso tabikankamisha (muntu,) ooo.

Mateo 15:18

Anka’bia bintu abituku mukanwa abifiki kwishimba, n’abio abilwisha muntu.

Bena Loma 14:23

Ank’awa e na mealasheno, a ha kwi kidia mbahishwe, mwanda badile kushī kwa lukuluhilo, na bioso bishī bia lukuluhilo, mbia kulwisha.

I Bena Kodinda 10:31

Binyibiabia sung’anudyi, sung’anutomo, sunga nkioso kianukitshi, nwibikitshinei ku ntumbo y’Efile Mukulu.

Bikitshino 10:15

N’eyi dibākwile kwadi diakabidi’shi: Kiakia kibatosheshe n’Efile Mukulu, tokwikilumba bu kia bisumanga.

I Bena Kodinda 8:7

Sunga mbiabia kiukilo kino taki mu muntu ese, ooo; mwanda bangi hakuubila ku mankishi, abadi biakudia bibahu kulambulwa kwi nkishi, na biabia muntu e munda mwabo e ’mutuba balwishibwa.

Bena Bahebelu 10:22

tyifubule hehi n’eshimba dia binyibinyi, mu lushingulwilo lukumbane lwa lukuluhilo, na mashimb’etu ngamaminwe soo ku di’eshimba-dia-munda dibubi, na mbidi yetu (namu) ngitumpibwe na mema e selelee.

I Bena Kodinda 10:25

Kintu kioso akihanwa ku bisalwe, nwikidie, tanwihushanga mihusho, mwanda wa muntu e munda.

I Temote 6:5

kwakulākulā-kubi kwa bantu be na binangu binyangye, bashī na biabinyibinyi; abahwandjikisha’shi; Bwin’Efile nyi mwakumwena bintu; (ku be biabia okungulukye).

Bena Bahebelu 9:14

A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa?

Bena Bahebelu 12:15

Nutale kalolo kuhela muntu akalobela ku bu-muntu bw’Efile Mukulu, tala kibangilo kia lwima kiakebwā kwinukalakasha, biabia bebungi bakashūlwa kishila ha lwinyi’lo.