Mateo 9:37 - KILOMBENO KIHYA KIA NFUMWETU YESU KIDISITU

³⁷ Henyihaha balungwile bana-be-ba bukishi’shi: Bidimwanga bi bungi binyibinyi, anka baumbudi mbahela.

Mateo 9:37 Referans Kwoze

Luka 10:2

Binyibiabia bebalungwile’shi: Biumbulwa mbikata, anka bafubi mbahela: nutekye Nfumu a biumbulwa, atume bafubi ba kuumbula.

Mako 16:15

Binyibiabia bebalungwile’shi: Ndai hanohansenga hoso, nukalungula myanda ya mukānduwibuwa ku boso.

I Bena Kodinda 3:9

Mwanda atwe twi bafubi hamune n’Efile Mukulu; anwe nwifuba dibundwe di’Efile Mukulu, (nwi) kibakibwe ki’Efile Mukulu.

Mateo 28:19

Binyibiabia, ndai, nulambukishe milo yoso, na kwibabatshisha mwishina dia Yaiya, na dia Mwana, na dia Kikudi-E Selelee.

Ii Bena Kodinda 6:1

Henyihaha atwe abafubā n’E hamune, tubenusendela’shi, tanutambulanga bu-muntu bw’Efile Mukulu bisumanga, ooo.

Bikitshino 16:9

Biabia, bufuku kimonwa kibamwekyele kwi Paulu. Kubēmene muntu a ku Masedonya amwiyayila’shi: Fika kuno ku Masedonya, wetukwashie,

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

I Temote 5:17

Bakulu (ba bikoñeno bi’Efile) abalelana bibuwa batemunwe bu bahwandjikile kukishakisha kinemo, tokiokwamba kwi’bo abatuhwita mu Mwanda (w’Efile) na lulambukisho.

Bena Kolose 4:11

Na Yesu, winyi atemunwa bu Yusetuse, abo mba ku basalwe. Ank’abo benyi mbena mufubo n’ami mu bufumu bw’Efile Mukulu, abo benyi nyi babadi abansengye.

Bikitshino 18:10

Mwandā’mi nyi n’obe, takwi sunga ngumune akakutombokyela kukukumbisha; mwanda nyi na bantu bebungi mu kino kibalo.

Mateo 9:38

Binyibiabia, nutekye kwi nfumu a bidimwanga’shi, atakule bafubi ba kuumbula’bio bie.

Mateo 20:1

Mwanda Bufumu bwa mwiilu mbwifwane na sha nshibo, batukile namashika ese mu kutula bafubi mwifuba die dia nfinyo.

Yakoba 5:4

Talangai, efuto dia bafubi abaumbula mafuba enu, dinyi’dio nubedilamunwine, nwediongola, adiele musase ukata; na misase y’aba abaumbula yibafikile mu matwi a Nfumwetu a Sabaote.