Mateo 9:15 - KILOMBENO KIHYA KIA NFUMWETU YESU KIDISITU

¹⁵ Yesu bebālulwile’shi, A bana ba mu nshibo ya mubambi mukashi abeuku kudila ha ki ntubambi e n’abo su? Anka mafuku akafiki hakakwatwa mubambi inulume kwabadi, biabia abakashīdi biakudia.

Mateo 9:15 Referans Kwoze

Kibafumulwe 19:9

E bandungwile’shi: Funda’shi: Basha mwabi mbaba abetanyinwa ku bidibwa bi’ebambo bia Mwan’a-Mukoko. Bandungwile namu’shi: Yino nyi myanda ya binyibinyi y’Efile Mukulu.

Yoano 3:29

Yawa e na muba mbwe nyi mubambi; ankakūku a mubambiaimana (hadi) na kumuhusha asehelā bikata, mwanda w’eyi dia mubambi: anka biabia namu kusangala kwande kubakumbashwa.

Kibafumulwe 21:2

Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e.

Bikitshino 14:23

Henyihaha habahwile kusangula bakulu mu bikoñeno bioso bi’Efile, na hābatekyele, na kushīla biakudia, abebafishishe kwi Nfumwetu abākuminyine.

I Bena Kodinda 7:5

Tanwihelenanga anwe bana bene, anka su anwikuminyishena kihindji, bianudia kwihāna mu nteko na kushila biakudia, na kwilalene dimo, ha mwanda wa kutshina’shi, Satana akenutompa ha mwanda wa kukutwa kwilama kwenu.

Yoano 16:6

Anka ha mwanda nenulungwile yino myanda, kwinyongola kubaulu mashimba enu.

Ii Bena Kodinda 11:27

Mu lwidilo na kusosamena, mu ntengyela yibungi, mu nsala na nyota, mu nshilo ya biakudia misusa yibungi, mu mashika na muswa.

Mateo 9:14

Henyihaha bana-ba-bukishi ba Yoano babafikile kwadi’shi, atwe na Bafadiseo atushila biakudia misusa na misusa, anka bana-ba-bukishi bobe tabashilā, a nkinyi?

Mateo 9:16

Takwi muntu akalamika kilaka kia mbwisha yihia ha kilamba kikulu, mwanda kiakia akishiki kianka akikalamunuka, n’ehunda adibotoka.

Mako 2:19

Na Yesu bebehwishe’shi: Bantu ba mubambi a mukashi abeuku mwa kushila biakudia hakī mubambi a mukashi e n’abo’nyi? habakī na mubambi a mukashi, ta bakwiuka mwa kushila biakudia.

Mako 2:20

Anka mafuku akafiki kwanka ahakakashwa mubambi a mukashi, binyibiabia’nyi habakashila biakudia mu ā mafuku.

Luka 5:34

E bebālulwile’shi: Anwiuku kushidisha bana ba mubambi biashi, hakī mubambi n’abo su?

Luka 5:35

Anka mafuku akafiki ha kuatwa mubambi kwabadi, henyihaha abakushidi biakudia mu aa mafuku.

Luka 17:22

Balungwile bana-ba-bukishi’shi, Mafuku akafiki hanukakyebe kumona efuku dimune dia Mwan’a muntu, takedimono, ooo.