Mateo 9:13 - KILOMBENO KIHYA KIA NFUMWETU YESU KIDISITU

¹³ Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Mateo 9:13 Referans Kwoze

Mako 2:17

Yesu hakuhusha biabia tabamba’shi: Abo be musangyelo ta be na kia’bakyebela ñanga, ooo, anka’bo abakumbu kubofula kwa mbidi; nkimufwile kwitanyina balulame ba mashimba, anka balwishi belangei ’mashimba.

Luka 19:10

Mwanda mwan’a muntu bafiki kukimba na kuhasha abadi bashimine.

Luka 5:32

Ami nkimufwile kwita nyina balulame ba mashimba, anka balwishi belangye.

Mateo 12:7

Anka su nubadi beukye mwiyile uno mwanda’shi: Nadidi lusa, nkimukyebe bitahilo, tanubadia kuhīsha babingye.

Ii Petelo 3:9

Nfumwetu te na kwiisha ha mwanda wa mulayilo we, hamune bamo (bantu) abahwandjikisha kuisha, ooo; anka e na kuhuñanyi kwanudi, takyebe sunga ngumune kushimina, anka’shi, boso bafikye ku kwilanga kw’eshimba.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Bikitshino 5:31

E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Mateo 3:8

Nuhe bikuba abihwandjikila kwalula kwishimba.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Mateo 21:42

Yesu bebalungwile’shi: A tanwi babale mu Bifundwe bi’Efile’shi: Ebwe dibahēlwe kwi babaki ba nshibo, di na mwinyi dibāluluka tamutwe w’ehaka. Nyi Yehowa bakitshine kino, nyi kia kukanya ku meso kwetu?

Mateo 12:3

Ank’e bebalungwile’shi: A tanwi babale mwanda ubakitshine Dafidi habadi na nsala, na bangi bantu babadi n’abo su?

Mako 12:26

Ha uno mwanda wa kusanguka bantu bafwe, ta nwi babale mu mukanda wa Mosesa mu kihindji ki’ebūla ha bamumwekyel’Efile-Mukulu, shi: Ami nyi Efile-Mukulu a Abalahama, nyi Efile-Mukulu a Isaka, n’Efile-Mukulu a Yakoba namu’nyi?

Yoano 10:34

Yesu bebehwishe’shi: Tangufundjibwe mu milangilo yenu’shi: Nakula’shi, Anwe nwi bēfile?

Mateo 19:4

E bebālulwile’shi: Tanwi babale’shi: Yawa bebahangile ku mbangilo, bebahangile bu mulume na mukashi?

Mateo 12:5

Sunga tanwibabale namu mu mukanda-wa-bishila bibakitshine batshiite-bakwidi mu ntempelo mu mafuku a Sabado, mwā balwisha Sabado na tabadi na mwanda, ooo.

Luka 10:26

E bamwambile’shi: Kifundwe na minyi mu mukanda-wa-bishila? obe obalā na minyi?

Mako 12:33

Na kumufula kifulo n’eshimba dioso, na binangu bioso, na muwa woso, na bukome bwoso, na kufula mukwenu hamune biodi mwifule obe na mwinyi; biabia mbikile milambu yoso yekyelwe na Bitahwa.

Luka 5:31

Biabia yesu bebālulwile’shi: Abo be ’musangela ta be na lukalo lwa ñanga, ooo, ank’abo basha busungu.