Mateo 6:9 - KILOMBENO KIHYA KIA NFUMWETU YESU KIDISITU

⁹ Binyibiabia nutekye anka bino’shi, Yaiya etu E mwiilu, Eshina diobe dishilwe kishila.

Mateo 6:9 Referans Kwoze

Kibafumulwe 4:11

Obe we muhwamdjikile, Nfumwetu, Efile Mukulu etu kutambula ntumbo, na kinemo, na bukome; mwanda bohangile bintu bioso, na ha mwanda wa bikyebe eshimba diobe bibadi kwanka na kuhangibwa.

Bena Loma 8:15

Mwanda ta nwibatambule kikudi kia buhika bwa moo, ooo, anka nubatambwile Kikudi kia bumwana, bu bi’atudila’shi, A Yaiya! a Ya!

Bena Ngalatea 4:6

Na ha mwanda nwi bana, Efile Mukulu tabatumine kikudi kia Mwan’e mu mashimb’enu, ēle musase’shi: A Ya! Yaiya!

Kibafumulwe 5:12

Abākula n’eyi dikata’shi: Mwan’a Mukoko bayihayibwe ’muhwandjikile kutambula bukome, na buheta, na binangu, na ntshitshiba, na kinemo, na ntumbo na mwabi.

Mateo 7:11

Biabia, su anwe bianudi bekale be bubi, anwiuku kuha bana benu biabuntu bibuwa; Shyenu E mwiilu takakidi kuha bantu abamutekye bintu bibuwa’nyi?

Mateo 26:29

Ank’ami nenulungula’shi: Tankatomo dimonyi ku bino bikuba bia nfinyo, mpaa na ku diadi’efuku diankeyitomo n’enu, tangihya mu bufumu bwa Yaiya.

Mateo 23:9

Tanwitanyinanga muntu a ha nsenga bu nshenu; mwanda umune nshenu E mwiilu.

Mateo 5:16

Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu.

Luka 15:18

Nankēbo kwenda kwi yaiya, nkamulungule’shi: A yaiya, nyi mulwishe ku mpala kw’eilu na ku mpala kobe,

I Petelo 1:17

Na su anumwitanyina dia bu Yaiya, e atshibā kimu mulombene bikitshino bia muntu ese, bisumanga’shi, au nyi’ū, au nyi’ū, ooo, (biabia) nwikale na moo hanukisha kihindji hanukī hano ha nsenga;

I Temote 6:16

Ank’e buhenka bwe shyafwiyā, nyi abombela mu mbadibadi yishyayifikika; shyamwenwe na muntu, sunga ngumune, sunga ngakukamona; kwadi kwikale kinemo na bukome bwa ikala-ika. Amena.

Luka 15:21

Biabia mwana mulume bamulungwile’shi: Yaiya, nyi mulwishe ku mpala kw’eilu na ku meso kobe, biabia nkimuhwandjikile kutemunwa bu mwan’obe.

Luka 2:14

Ntumbo kw’Efile Mukulu mwiilu mukile, na hanohansenga kufukama, n’eshimba dibuwa dikale kwi bantu.

Mateo 6:14

Mwanda su anulekyela bantu kusola kwabo, Shyenu a mwiilu namu akenulekyela kusola kwenu.

Mateo 6:6

Ank’obe hōtekye, twela mu kadimbo kobe, hobohwile kushita kibi kiobe, otekye kwi Shyobe E mu bufyefye, na Shyobe amono mu bufyefye, akakuha bwedi ha toka.

Mateo 5:48

Binyibiabia nwikale bakumbane, bu bi Shyenu E mwiilu E mukumbane.

Bena Ngalatea 1:1

Paulu mutumibwa (bushī bwa ku bantu, sunga mpa mwanda wa muntu, mbwa kwi Yesu Kidisitu, n’Efile Mukulu Yaiya, bamusangwile ku lufu,)

Yoano 20:17

Yesu bamwambile’shi: Tonkumanga, Mwanda nkimubandjile kukaminwa mwiilu kwa Shami: anka nda kwi bakwetu bande na kwibalungula’shi: Ami nakamina mwiilu kwi Shami, na Shyenu, kw’Efile Mukulu ande, n’Efile Mukulu enu.

Mateo 26:42

Bayile kihindji diakabidi, batekyele’shi: A Yaiya’nde, su kihulu kino takiuku kunkila’mi, anka su nyi nkitome kianka, nyi mwamukyebel’eshimba diobe bikitshibwe mwanka.

Bena Loma 1:7

Kwi boso be mu Loma, bakuminyibwe b’Efile Mukulu, betanyinwe bahatuluki-ba-kishila; buntu bwikale nenu na kufukama namu bifikye kw’Efile Mu kulu Shyetu, na kwi Nfumwetu Yesu Kidisitu.

Mateo 10:29

Misodya ibidī’nka taiudibwa ku nsenke umune, na umune’nka w’ayo takahono hashi kushī (kukumina) Shyenu.