Mateo 6:25 - KILOMBENO KIHYA KIA NFUMWETU YESU KIDISITU

²⁵ Binyibiabia nenulungul’amishi, tanwinyenganga mwanda wa muwa wenu’shi, Atudi kinyi? sunga’shi, atutomo kinyi? sunga mbia mbidi’shi; Atukafwala kinyi? Muwa tangukile bidibwa su? na mbidi tangikile bilamba su?

Mateo 6:25 Referans Kwoze

Bena Fidihai 4:6

Tanwikalanga na kukalakala su nkwa kinyi su nkwa kinyi, anka mu bintu bioso mu nteko na mu kwiyayila na mu lutumbu, nteko yenu yiukibwe kw’Efile Mukulu.

I Petelo 5:7

Nusumbule bia kwibasukila bienu hadie, mwanda e enusambā.

Bena Loma 8:32

E ta mulekyele Mwan’e na mwinyi, anka bamuhene kwatudi’twe boso, akutwe bi kunyi kwituha n’e bintu bioso, tambia-buntu anka hadi e?

Mateo 6:31

Binyibiabia, tanwinyenganga mwishimba’shi: Atudi kinyi? sunga’shi: Atukatomo kinyi? sunga’shi: atukafwadikwa na kinyi?

Mako 4:19

Anka binango bia myanda bia hanohansenga, na kudimbwa kwa mono, na kwabila kwa bingi bintu abitwela mwanka, abifinena mu uno mwanda, nyi haubakutshilwe kuha bikuba.

Mateo 10:19

Anka habakenufisha, tanunyenganga mwishimba’shi, atwākula na minyi; mwanda anukahebwa bia kwakula mu yawa nguba.

I Bena Kodinda 7:32

Anka nankyeb’ami’shi, nwikale bashī na mpwandjikishe. Yawa shī mubambe alamatshidile ku bintu abinemena kwi Nfumwetu, mwadia kusangesha Nfumwetu.

Mateo 6:34

Binyibiabia, tanwiyenganga mwishimba ha mwanda wa bia maloba; mwanda maloba adikanyenge ha mwanda wa bintu bia’bio. Bubi bwifuku bubalombana bwadio.

Ii Temote 2:4

Takwi musalai, sunga ngumune, akwianyina na myanda ya hano hashi, mwadia kutoshesh’eshimba di’awa bamusangwile kwikala bu musalai.

Luka 8:14

Aya namu yibahone munkatshi mwa milobo, mbaba abahushishe, benda, abafinwa na bia kwinyenga na bia buheta, na bia muloo bia (uno) muwa, tambahe bikuba bikumbane.

Mateo 13:22

E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba.

Luka 12:11

Biabia habakenufisha ku mpala kwa bitumbwilo, na kwi bansushi, na kwi basha matalwa, tanukalakashanga ’mashimba’shi: Atukālula na minyi? atukākula kinyi?

Mako 13:11

Biabia habakenufisha (mu kimu) ta nukambanga kwalashena’shi, atukesamba kinyi? sunga kunangushena mwanda kwibedi: ank’akio kioso akikenuhebwa mu nguba wawa, ank’akio anukākula; mwanda ta nanwe abakākula, ooo, nyi Kikudi-E-Selelee.