Mateo 6:16 - KILOMBENO KIHYA KIA NFUMWETU YESU KIDISITU

¹⁶ Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Mateo 6:16 Referans Kwoze

Luka 18:12

Ami nashila biakudia misusa yibidi ku lubingu, nalambula ki’ekumi kia bioso biandji nabio.

Mako 2:18

Bana ba bukishi ba Yoano n’aba bafadiseo babadi abashidi biakudia, abafikile kumwamba’shi: A nkinyi bana ba bukishi ba Yoano na baba ba bafadiseo abashilā biakudia, anka b’obe ta bashilā?

Bikitshino 14:23

Henyihaha habahwile kusangula bakulu mu bikoñeno bioso bi’Efile, na hābatekyele, na kushīla biakudia, abebafishishe kwi Nfumwetu abākuminyine.

Mateo 6:5

Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo.

Mateo 6:2

Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo.

Ii Bena Kodinda 11:27

Mu lwidilo na kusosamena, mu ntengyela yibungi, mu nsala na nyota, mu nshilo ya biakudia misusa yibungi, mu mashika na muswa.

I Bena Kodinda 7:5

Tanwihelenanga anwe bana bene, anka su anwikuminyishena kihindji, bianudia kwihāna mu nteko na kushila biakudia, na kwilalene dimo, ha mwanda wa kutshina’shi, Satana akenutompa ha mwanda wa kukutwa kwilama kwenu.

Luka 2:37

E badi mukashi a mufwe ku bihwa malsumi mwanda na hinanka, tamutukye mu ntempelo, bafubile Efile Mukulu na kushīla biakudia, badi na nteko bufuku na kanya.

Ii Bena Kodinda 6:5

Mu mikombela, mu kwelwa mu lukano, mu biondondo, mu kutuhwita mwa mifubo, mu kutengyela na mu kushīlu kwa bidibwa;

Bikitshino 10:30

Konelusa bakwile’shi: Mafuku ananka abakidi binobino hanadi ashidi bidibwa mpa na ha yino nsā, na ha nsā yisatu ya kiolwa nadi atekye mu nshibo yande, ami’shi ntale’bi, muntu mulume taimene ku mpala kwande mufwale bi mbādibādi.

Mateo 6:1

Nudimuke, tanukitanga biabuntu bienu kumpala kwa bantu’shi, benumone, ooo; mwanda su mbiabia tanwi na bwedi kwi Shyenu E mwiilu.