Mateo 6:13 - KILOMBENO KIHYA KIA NFUMWETU YESU KIDISITU

¹³ Twetufishanga mu kutompibwa, anka etumañune ku bubi: Mwanda bufumu nyi mbobe, na katshintshi, na ntumbo, mpaa na kwikalaīka. Amena.

Mateo 6:13 Referans Kwoze

I Bena Kodinda 10:13

Takwi kitompelo kia kwinutompa, ank’akio akinemenā kwi bantu, anka Efile Mukulu e nga kishima, e takenulekyela mu kutompibwa kukila kiakia kianwiuku kwikala n’akio; anka ha kutompibwa akenukitshina eshinda dia kuhanda, bianudia kwiuka mwa kukankamena mwanka.

Yoano 17:15

Nkimukuteke amishi, Webakashe hano-ha-nsenga, anka’shi, Webakashe ku bubi.

Mateo 26:41

Hasukai, nutekei, tala nwakatwela mu kutompibwa; eshimba binyibinyi di na musanku, anka mbidi ngibofule.

Kibafumulwe 19:1

Ku nyima kwa yino myanda nahushishe eyi dikata dia kibumbu kikata mwiilu’shi: Aleluya! Kihandjilo na ntumbo na kinemo, na bukome, nyi mbi’Efile Mukulu etu:

Ii Bena Tesalonika 3:3

Anka Nfumwetu ’mushimate, akenukankamisha na kwinulama kwi’wa a mwanda ubi.

Mateo 6:10

Bufumu bwobe bufikye. Bikitwe hanoha-nsenga abikyeb’eshimba diobe, bu biabidi bikitshibwe mwiilu.

Ii Petelo 2:9

Yehowa euku mwa kuhashisha balulame ku kutompibwa, na kulama bashībalulame kumweshibwa h’efuku dia kimu;

I Bena Tesalonika 1:10

na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye.

Kibafumulwe 21:4

E anakakumune mpolo yoso ku meso abo; takukekala lufu dimonyi, sunga mālo, sunga nkudila, su mitanyo dimonyi, ooo; mwanda bintu bia kwibedi bibakididile.

Kibafumulwe 3:10

Mwanda bolamine mwanda wa mufwaka wande, ami namu nankakulama ku kiakia kihindji kia kutompibwa kitakikyebe kufika ha bantu boso ha hanohansenga, kutompa’ba babombele hano ha nsenga.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

I Petelo 5:8

Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota:

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Ii Bena Kodinda 1:20

Mwanda milayilo yoso y’Efile Mukulu mwadi e yi’ anka ee, ayo, ngia Amena, ’shi, Efile Mukulu atumbishibwe ha mwanda w’atwe.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Kibafumulwe 1:18

Nyi yawa atala, nadi mufwe; na talanga, tandji na muwa wa ikala-ika, Amena. Nyi na nfungulo ya kalunganyembo na ya lufu.

Mateo 5:37

Anka misambo yenu yikala’nka’shi, uolo, uolo, ayoyo, ayoyo; yoso ayikidi yaya, ayifiki ku bubi.

I Bena Kodinda 14:16

Hangi namu h’okelwa mwabi na kikudi, yawa shī na kalolo akakumina’shi: Amena ku lutumbu lobe, mwanda tashingula kiōkula?

Mateo 28:20

Nwibalambukisha kulama bioso binenukamikile, biabia talangai, nyi n’enu mafukuoso mpaa na kunfudilo kwa hanohansenga. Amena.

Kibafumulwe 19:4

Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya!

Kibafumulwe 5:13

Biabia bihangwe bioso bi mwiilu, na bi ha nsenga, na bi mushi mwa nsenga, na bi ha mema-a-kalunga, na bintu bioso bi mwanka, nebihushishe abiakula’shi: Mwabi na kinemo, na ntumbo, na butontshi bikale kwi yawa mushale ha luhun’a nsulu, winyi Mwan’a Mukoko mpaa na kwikala-ika.

Kibafumulwe 3:14

Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi:

Bena Bahebelu 11:36

Bangi’nyi namu abatompibwa na kudidikwa kwa (kifita) na bikuhilwa, ee, dimonyi na kwibānya na kwelwa mu nkano.

I Temote 1:17

Binobino kwi Nfumu a ikala-ika, shyafwiyā, shyamweka, nyi ñanka Efile Mukulu sha binangu buhenka bwe, ekale na kinemo, na ntumbo mpaa na kwikala-ika. Amena.