Mateo 6:10 - KILOMBENO KIHYA KIA NFUMWETU YESU KIDISITU

¹⁰ Bufumu bwobe bufikye. Bikitwe hanoha-nsenga abikyeb’eshimba diobe, bu biabidi bikitshibwe mwiilu.

Mateo 6:10 Referans Kwoze

Bena Bahebelu 10:36

mwanda nwi na lukalo lwa kuyiñamana’shi hanukahu kukita mubakyebel’eshimba di’Efile Mukulu, anukatambula winyi mulayilo.

Yoano 4:34

Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we.

Mateo 26:42

Bayile kihindji diakabidi, batekyele’shi: A Yaiya’nde, su kihulu kino takiuku kunkila’mi, anka su nyi nkitome kianka, nyi mwamukyebel’eshimba diobe bikitshibwe mwanka.

Mateo 12:50

Mwanda muntu ese akakita abikyebele eshimba dia Yaiya e mwiilu, anka yawa e mukwetu mulume na kashiana’mi, na nyin’ami.

I Bena Tesalonika 5:18

Tumbulai (Efile Mukulu) mu bintu bioso, mwanda nyi amukyebel’eshimba di’Efile Mukulu mu Kidisitu Yesu kwanudi.

Bena Loma 12:2

Ta nwikalanga kuhwandjikishwa na bahanohansenga; anka nwikale bālulukye ha kwisambula binangu bienu’shi, nutompe akikyeb’eshimba di’Efile-Mukulu, nyi kilumbulukye, kilubilwe, na bushima bwinyi.

Yoano 6:40

Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Bena Kolose 1:9

Nyi mpa uno mwanda atwe namu, kasha diadi’efuka diatubahushishe’o, tatulekā kwinutekyela na kukyeba’shi, nuushibwe na kiukilo kioso mukyebela eshimba die mu kalolo koso na lushingulo lwa Kikudi,

Bena Efisesa 6:6

kushī ha mufubo wa kumonyibwa ku meso, bu baseheshi ba mashimba a bantu, ooo, anka hamune bahika ba Kidisitu abakita amukyebele Efile n’eshimba ditūle,

Mateo 7:21

Shī muntu ese autemuna’shi, Nfumwetu, Nfumwetu, akatwele mu bufumu bwa mwiilu ooo, ank’e akitshi akikyeb’eshimba dia Shami E mwiilu.

I Petelo 2:15

Nyi mbiabia amukyebela eshimba di’Efile Mukulu’shi, hukukita kwa bibuwa kwenu anwiuku kuuminyisha kuhatamina kwa balotakane:

Bena Bahebelu 13:21

enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Luka 22:42

Obe Yaiya, su okumina, kasha dino ekoho kwandjimi; anka tamwankyebela mwishimba diande, ooo, anka mokyebela mukitshibwe.

Yoano 7:17

Ese muntu, su akakitshi mulombene’ shimba die, akashingula lulambukisho luno, su ndw’Efile Mukulu, su neisambila ami na mwinyi.

Kibafumulwe 19:6

Nahushishe namu bu kubadi eyi dia kibumbu kikata, na bwīyi dia mema e bungi, na bwīyi dia mikungulu yikata’shi: Aleluya, mwanda Yehowa Efile Mukulu Shabukomeboso abikalā.

I Bena Tesalonika 4:3

Mwanda uno’u nyi a ukyebe eshimba di’Efile Mukulu, tankulamunwa kwenu selelee’shi, nushile bukyebekyebe;

Bikitshino 21:14

Biabia e habatune kwalushwa, tubamulekyele’shi: Abikyeb’eshimba dia Nfumwetu bikitwe.

Bikitshino 13:22

Habahwile kumukatusha, bahingakene Dafidi ta nfumu; ha mwanda e namu bamutemwine’shi: Nasokola Dafidi mwan’a Yese muntu mulombane n’eshimba diande, akakumbasha abikyebe eshimba diande.

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Kibafumulwe 12:10

Henyihaha nahushishe eyi dikata mwiilu, adiamba’shi: Binobino kihandjilo, na bukome, na bufumu bw’Efile Mukulu etu, na matalwa a Kidisitu e bibafiki, mwanda winyi mwimukishi a bakwetu, ’musumbulwe hashi, badi ebemukisha ku mpala kw’Efile Mukulu kanya na bufuku.

I Petelo 4:2

tanukekalanga mu kihindji kibashala kia muwa wenu mu bia ngabiabi bia bantu, anka ku abikyebe eshimba di’Efile Mukulu.

Bena Bahebelu 10:7

Henyihaha nyi hanāmbil’ami’shi: Talai, ami nafiki, (mu mufungofungo wa mukanda ubamfundjilwe) kukita amukyebel’eshimba diobe, obe Efile Mukulu.

Luka 19:38

Eshi: Mwabi kwi Nfumu afiki mwishina dia Yehowa: kufukama mwiilu na ntumbo mwiilu mukile.

Mako 3:35

Mwanda ese akakitshi amukyebela eshimba di’Efile Mukulu, yawa nyi mukwetu mulume, na mukwetu mukashi, na nyin’ami.

Mateo 16:28

Binyibinyi nenulungula’shi: Kwi ibamo bemane hano, tabakamono lufu, anka su abahu kumoma Mwan’a Muntu afiki mu Bufumu bwe.

Mako 11:10

Mwabi wa bufumu abufiki mwishina dia shetukulu Dafidi; Hosana! mpaa na mwiilu.

Kibafumulwe 11:15

Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika.

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Bena Bahebelu 1:14

Abo boso tambikudi bia mulubo, babatuminwe kufubilā’ba abakekala bampianyi ba kihandjilo su?

Bena Kolose 1:13

betumañunwine ku matalwa a mufito, etutundulwila namu mbufumu bwa Mwana a kit’ulo kie.

Luka 19:11

Habāhushishe yino myanda, bēle lungi lukindji, mwanda bādi hehi ku Yelusalema, na (ungi mwanda), abatentekyeshe’shi, bufumu bw’Efile Mukulu abukyebe kuhulumuka bumwekye.

Bikitshino 22:14

Biabia bakwile’shi: Efile Mukulu a bashyetukulu bakusangula’shi; weukye amukyebela eshimba die, na kumonā’wa Mululame, na kuhusha eyi dia mukanwa mwe.