Mateo 5:9 - KILOMBENO KIHYA KIA NFUMWETU YESU KIDISITU

⁹ Mwabi kwi’basungwa ba bantu, mwanda abakaudikwa’shi, mbana b’Efile Mukulu.

Mateo 5:9 Referans Kwoze

Bena Bahebelu 12:14

Londai bia kufukama na boso, na kuhatulwa kwa-kishila, bisumanga’bio takwi sunga ngumune akamono Nfumwetu.

Bena Loma 12:18

Su nkihwandjikile mwanka, biabia nwikale na kufukama na bantu boso.

Bena Ngalatea 5:22

Ankabikuba bia Kikudi-E-Selelee nyi nkifulo, muloo, kufukama, kahuñanyi k’eshimba, kasendeleshi, buwa, lukuluhilo,

Bena Loma 8:14

Boso mwabafwimina abakunkushwa na Kikudi-E-Selelee ki’Efile-Mukulu nyi bana b’Efile baba.

Luka 6:35

Anka’nwe nwikale na kifulo kwi be n’enu mushikwa, nukite bibuwa; tanwahushanga na kutengyela dimonyi sunga mpahēla, biabia bwedi bwenu abukekala bukata, anukekala bana ba Mukile boso bukata, mwanda e na kalolo kwi bashī na lutumbu na kwi balwishi.

Ii Bena Kodinda 13:11

Kunfudilo bakwetu, nenuladikai, nwikale bakumbane, nusengibwe bibuwa, nwikale n’eshimba dimune, nubombele mu kufukama; biabia Efile Mukulu a kifulo na kufukama akekala n’enu.

Bena Kolose 3:13

kwihuñanyishena, na kwilekyeshena. Su (muntu) e na kimu kwi mungi, anka hamune bu mubenulekyele Kidisitu, anwe namu nukite.

Mateo 5:48

Binyibiabia nwikale bakumbane, bu bi Shyenu E mwiilu E mukumbane.

Ii Bena Kodinda 5:20

Biabia binobino twi bakwidi ba ha mwanda wa Kidisitu, anki bi hamune Efile Mukulu enusendela n’etu, (biabia) atwe atwinusendela bu bampyanyi ba Kidisitu’shi: Lombanai n’Efile Mukulu.

Bikitshino 7:26

Binyibiabia h’efuku dibalondele e na mwinyi belesheshe kwabadi hābādi abula ngoshi, badi akyebe kwibasungwa, bebambile’shi: A balumiana, anwe nwi bantu bamune, a kianwitombokyeshena nkinyi?

Mateo 5:45

Bianudia kwikala bana ba Shyenu E mwiilu, mwand’E atushā nguba kwi bantu be bubi na kwi bebuwa, anoshā mpeshi kwi bantu balulame na bashi balulame.

I Bena Kodinda 6:6

Anka mukwenu mu Kidisitu, ēnde na mukwabo ku kimu, ku meso kwa bashībakumine.

Bena Fidihai 4:2

Nasendela Eudiasa na Shyntyike namu hamune, ami’shi, bekale n’eshimba hamune mwi Nfumwetu.

Luka 20:36

Mwanda’bo tabeuku’nyi kufwa dimo: abakekala bu bamwikeilu, nyi mbana b’Efile Mukulu, bana ba lusangukilo.

Bena Efisesa 4:1

Henyihaha ami musungi wa Nfumwetu, nenusendela’mi’shi, nutambukye bihwandjikile lwinyi lwitamino lwanubetanyinwe n’alo;

Bena Loma 8:16

Akio kinyi Kikudi-E-Selelee akihetekyelwa kwi bikudi bietu’shi, twi bana b’Efile.

Bena Loma 8:19

Bintu bioso bibahangilwe bikwete kutengyela, abitala swee akukafumbukila bana b’Efile.