Mateo 5:7 - KILOMBENO KIHYA KIA NFUMWETU YESU KIDISITU

⁷ Mwabi kwi’bo be na lusa, mwanda abakakwatshilwa lusa.

Mateo 5:7 Referans Kwoze

Bena Efisesa 4:32

Nwisendeleshenei muntu na muntu, na kubofosha mashimba, nwilekeshenenei muntu na muntu, anka bu mubenulekyelele Efile Mukulu ha mwanda wa Kidisitu.

Yakoba 2:13

Mwanda kitshibilo kia kimu kishī na lusa kwi yawa shī balesheshe lusa; lusa namu alwitumbisha, alushindā kitshibilo kia kimu.

Yakoba 3:17

Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa.

Bena Kolose 3:12

Binyibiabia fwalai hamune bu basangudibwe b’Efile Mukulu, balamunwe-be-kishila na bafudibwe, (fwalai) eshimba dia lusa, kasendeleshi kwihelesha kw’eshimba, kuhohela, lwishinko;

Luka 6:35

Anka’nwe nwikale na kifulo kwi be n’enu mushikwa, nukite bibuwa; tanwahushanga na kutengyela dimonyi sunga mpahēla, biabia bwedi bwenu abukekala bukata, anukekala bana ba Mukile boso bukata, mwanda e na kalolo kwi bashī na lutumbu na kwi balwishi.

Bena Bahebelu 6:10

Mwanda Efile Mukulu te na kushīkululama kwa kwilwa mifubo yenu na kutuwita kwa kifulo kianubalesha kwishina die, nyi kianubafubila balamunwe-bakishila, na hano henyi nukianufubu.

Bena Bahebelu 4:16

Biabia tusumine kwifubula hehi ku luhun’a-nsulu lwa bu-muntu bw’Efile’shi; tutambule lusa na kumona bukwashi mu kihindji kia lukalo.

I Petelo 2:10

anwe ha kala tanubadi bu bantu, ooo, anka binobino nwi bantu b’Efile Mukulu; tanwibafwilwe lusa, anka binobino nubafwilwa lusa.

Mako 11:25

Hanwimana kwete kuteka (Efile-Mukulu) nulekyele muntu mwanda we su nwikale n’e kilumbu; biabia Shyenu e mwiīlu akenulekyela namu kusola kwa myanda kwenu.

I Temote 1:13

biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino.

I Bena Kodinda 7:25

Ha mwanda wa bakashi tumame, nki na kishila kwi Nfumwetu; anka natusha kitshibilo kiande, bu yawa mufwilwe lusa kwi Nfumwetu’shi, ngikale a kishima.

I Temote 1:16

Anka ha uno mwanda nyi wanatambwila lusa’shi, Yesu Kidisitu aleshe kahuñanyi mwandji’mi kwikala bu kihwandjikisho kwi’ba abakakumina mwadi e mpaa na ku muwa wa ikala-ika.

Ii Bena Kodinda 4:1

Binyibiabia mwanda twi mu uno mufubo, mwatubafwilwa lusa, tatwi ndekelo ooo.

Bena Loma 11:30

Mwand’anwe kalaa anka mwanubadi tanwibakokyel’Efile-Mukulu, anka bino nubafwilwa lusa ha mwanda wa bukolwa bwabo: