Mateo 5:20 - KILOMBENO KIHYA KIA NFUMWETU YESU KIDISITU

²⁰ Mwanda nenulungula’shi, su kululama kw’eshimba kwenu ta nkukile kwa bafundji-ba-mikanda na Bafadiseo, tanukatwele mu bufumu bwa mwiilu.

Mateo 5:20 Referans Kwoze

Bena Fidihai 3:9

na kuhetshibwa mwadi e, kushī na kululama kw’eshimba kwande ku na mwinyi, kwa mu mukanda-wa-bishila, anka ako kwinyi nyi nkwa ku lukumino lwa Kidisitu, nyi kwinyi kululama kw’eshimba kwa kw’Efile-Mukulu ku lukumino.

Bena Bahebelu 12:14

Londai bia kufukama na boso, na kuhatulwa kwa-kishila, bisumanga’bio takwi sunga ngumune akamono Nfumwetu.

Ii Bena Kodinda 5:17

Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya.

Mateo 7:21

Shī muntu ese autemuna’shi, Nfumwetu, Nfumwetu, akatwele mu bufumu bwa mwiilu ooo, ank’e akitshi akikyeb’eshimba dia Shami E mwiilu.

Kibafumulwe 21:27

Tamukatwele kia kushula, sunga mpahelahela, sunga yawa akitshi ya butete, sunga madimi, ooo; anka’ba bafundjibwe mu mukanda wa muwa wa Mwan’a-Mukoko.

Luka 18:17

Binyi binyi nenulungula’shi: Muntu ese shī mutambule bufumu bw’Efile Mukulu bu mwana mukinga takatwele mwanka sunga mpahelahela.

Luka 12:1

Mu kiakia kihindji habadi bekoñene kibumbu kia bantu be bungi bwi moo, biabia abeashishenanga; e babangile kwakula kwi bana-be-ba-bukishi kwibedi’shi: Dimukai kitatusho kia Bafadiseo, nyi mbusesa.

Luka 11:44

Mpombo kwanudi, anwe bafundji-ba-mikanda na Bafadiseo, bansesa! mwand’anwe nwi bu mashama ashī a mweka, na bantu abāshina hanka tabeashingula.

Mako 10:25

Kutwela kwa ngamedia mw’īso dia shindani nkukile bofulo shampeta kutwela ’mbufumu bw’Efile-Mukulu.

Mako 10:15

Mbinyibinyi nenwamba’shi: Awa shī akumina bufumu bw’Efile Mukulu hamune bu mwana uhela, ta katwele mwanka, sunga mpahelahela.

Mateo 18:5

Na muntu oso atambula mwishina diande umune bu uno’nyi, antambula’mi.

Mateo 3:10

Binobino kabengyele kabatudibwa ku mashina a mitshi, biabia mutshi woso aushyauha bikuba, aukatshibībwa, welwe mu kālo.

Mateo 16:12

Biabia abeuhatulwile’shi; tamwitwamba’shi, dimukai kitatusho kia ano mampa a bidibwa, ooo, anka ha mwanda wa lulambukisho lwa Bafadiseo na Basadusea.

Ii Bena Kodinda 3:9

Mwanda su mufubo wa luhīsho wi na ntumbo, (biabia) mufubo wa kululama kw’eshimba ubakilakila mu ntumbo.