Mateo 5:16 - KILOMBENO KIHYA KIA NFUMWETU YESU KIDISITU

¹⁶ Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu.

Mateo 5:16 Referans Kwoze

I Petelo 2:12

nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa.

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

Yoano 15:8

Su anukaha bikuba bi bungi, nyi anka muno Yaiya mntumbishibwe, biabia anwe anukekala bana-bande-ba-bukishi.

Bena Efisesa 5:8

Mwanda’nwe kalakala nubadi mufito, ankā binobino nwitata mwi Nfumwetu: tambukai bu bana b’etata:

I Petelo 3:16

nwikale n’eshimba dia munda dibuwa’shi, mu yinyi’yo yiabenusongyela, ’shi, (mbakitshi ba bibubi), aba abenukunkila nyikashi yenu yibuwa mu Kidisitu, abakwatshishwe būfu.

I Petelo 4:14

Su anusabulwa ha mwanda w’eshina die Kidisitu, mwabi ngwenu; mwanda Kikudi kia ntumbo na ki’Efile Mukulu nkishale hanudi; ku luhese lwabo abamwakwila bibubi, anka ku luhese lwenu atumbishibwe ntumbo.

I Petelo 2:9

Ank’anwe nwi kihungilo kisangudibwe, mbutshiite-bwakwidi bwa bufumu, mwīlo uhatulwe-wi-kishila, bantu ba kwikala b’ē b’ē’shi, mwanudia kuleshesha bia ntumbo bia yawa benwitanyine ku mufito, mpaa na mwitata die dia kukanya;

Tetusa 3:14

na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga.

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Ii Bena Kodinda 9:13

Ku kutompibwa kwa luno lulumbulwilo lwa mufubo abatumbisha Efile Mukulu ha mwanda wa kikokyeshi kia lukumino lwenu lutemunwe, ku mukāndu-wibuwa wa Kidisitu, na ha mwanda wa kwābishena kwenu kwa bumuntu kwabadi, na kwi (bantu) boso.

Bena Efisesa 2:10

Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.

Bena Bahebelu 10:24

Twitentekeshenei ku muntu ku muntu kwibembena ku kifulo na bikitshino bilumbulukye.

I Petelo 4:11

Su kwiumune ākula, ākule bu mwisambilo w’Efile Mukulu; su kwi mungi’nyi alungulā y’Efile, eyikitshine mu bukome bu abuhanā Efile Mukulu’shi, Efile Mukulu atumbishibwe mu bintu bioso mu Yesu Kidisitu, kwadie kwikale ntumbo na bukome mpaa na kwikala-ika. Amena.

I Bena Tesalonika 2:12

eshi, nutambukile muhwandjikile kw’Efile Mukulu, benwitanyine ku bufumu bwe na ntumbo.

I Petelo 3:1

Hamunenka namu, bakashi bakokyele balume babo’shi, su kwi bamo bashyabakokyela Mwanda, biabia babofushibwe kushī kwibesambila mwanda ha nyikashi ya bakashi babo.

Bikitshino 9:36

Binyibiabia mu Yoha mubadi mulondji eshina die bu Tabita, kuhatula kwa’dio nyi Dokasa. Uno mwana mukashi badi mukambe na bikitshino bibuwa na kuhana kwa buntu.

I Temote 5:25

Anka hamune namu bikitshino bibuwa abifumbulwa kwibedi; na yaya yishī biabia tayiuku kufibwa.

Mateo 5:45

Bianudia kwikala bana ba Shyenu E mwiilu, mwand’E atushā nguba kwi bantu be bubi na kwi bebuwa, anoshā mpeshi kwi bantu balulame na bashi balulame.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

I Temote 5:10

mutumbishibwe ku bikitshino bilumbulukye; muhwe kukusha bana, na kulela benyi, na kutumpa ngwa ya balumunwe-bakishila, na kukwashia basha bishiotshi na kusasakata mu mifubo yoso yilumbulukye.

I Temote 2:10

anka na bikitshino bibuwa (bekal’anka bu bana bakashi balombene bu abatemunwa bu b’Efile Mukulu).

Bena Ngalatea 1:24

N’abo namu abatumbishe Efile Mukulu ha mwanda wande.

Tetusa 3:4

Anka habamwekyele kanya k’Efile Mukulu Muhashi etu, na kalolo (ke) kwi bantu,

I Bena Kodinda 14:25

N’anka biabia yifībwe y’a mwishimba die ngisokolwe; biabia akahono mubandjikye mpala ye hashi, talangwila Efile Mukulu, na kwakula’shi: Efile Mukulu e munkatshi mwenu binyibinyi.

Luka 11:2

E bebalungwile’shi: Hanutekye nwakule’shi: Yaiy’etu e mwiilu, eshina diobe dishidikwe kishila. Bufumu bwobe bufikye. Abikyeb’eshimba diobe bikitshibwe hano ha nsenga bu biabidi bikitshibwe mwiilu.

Mateo 9:8

Bibumbu bia bantu habeumwene, abakanyine, tabatumbisha Efile Mukulu, ubahene matalwa biabia kwi bantu.

Mateo 23:5

Anka bikitshino biabo bioso biabakitshi mbia kutadibwa na bantu: abatamishā nfalakatele yabo, abatamishā namu masasala a bifwalwa biabo;

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Mateo 23:9

Tanwitanyinanga muntu a ha nsenga bu nshenu; mwanda umune nshenu E mwiilu.

Mateo 6:9

Binyibiabia nutekye anka bino’shi, Yaiya etu E mwiilu, Eshina diobe dishilwe kishila.