Mateo 5:10 - KILOMBENO KIHYA KIA NFUMWETU YESU KIDISITU

¹⁰ Mwabi kwi’bo abamweshibwa malwa ha mwanda wa kululama kw’eshimba; mwanda bufumu bwa mwiilu mbwabo.

Mateo 5:10 Referans Kwoze

Yakoba 1:12

Mwabi kwi (yawa) muntu anyiñamana mu kutompibwa, mwanda e hakushisha mwanka anakatambule kilongo kia bushindanyi kia muwa, kibalayile Nfumwetu kwi’ba abamufulā kifulo.

Ii Bena Kodinda 4:17

Mwanda bishiotshi bietu mbihēle, nyi mbia kihindji kibelahela, abitukitshina bushito bwa ntumbo yikilekile bikambe ya ikala-ika.

Mateo 5:3

Mwabi kwi balanda mwishimba, mwanda bufumu bwa mwiilu mbwabo.

Luka 6:22

Mwabi ngwenu habakenushikwa kwi bantu, na habakenulamuna (munkatshi mwabo,) na kwinutohēka, na kusumbula eshina dienu bu dibi, ha mwanda wa Mwan’a Muntu.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Bena Fidihai 1:28

na kukutwa kukwatshibwa moo kwi baba batuhishene n’enu, su mu kinyi su mu kinyi; kwabadi’bo namu nyi nkitundwilo kifumbukye hatoka kia kulwila (kwabo,) anka kwanudi’nwe nkia kihandjilo, n’akio nkia kw’Efile Mukulu.

Luka 21:12

Anka kwibedi kwa yino myanda abakenukwata, abakenubinga, na kwinufisha ku bitumbwilo, na mu mashibo a nkano, anukafishwa ku mpala kwa banfumu, na kwi ba bimankinda ha mwanda w’eshina diande.

Yoano 15:20

Tentekeshai mwanda unenulungwile’shi: Mpika tamukile Nfumwe. Su abambingabinga’mi, abakenubingabinga namu; su abalamine mwanda wande, abakalama wenu namu.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Ii Temote 3:11

Kubingwabingwa, na mifwambuko bibanfikile ku Anteoka na ku Ikoneume, na ku Lyseta; mu kuno kubingwabingwa nakankamanyine mwanka, anka mu bioso Nfumwetu bamañunwine.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Mako 10:30

Yawa takakutwa kumona hanka binobino bintu bi bu misusa lukama lwa mashibo, na lwa bakwabo balume, na lwa bakwabo bakashi, na lwa banyina, na lwa bana, na lukama lwa madimi, na kubingibwa namu; ahakafiki namu kiakia kihindji ki ku meso muwa wa kwikala-ika.

Luka 6:20

Henyihaha babushishe meso e ha bana-be-ba-bukishi’shi: Mwabi wikale kwi’nwe balanda, mwanda bufumubw’Efile Mukulu mbwenu.

Mateo 10:23

Anka habakēnumwesha malwa mu kibalo kiakia, sukai ku kingi, mwanda nenulungula binyibinyi’shi: Mwan’a muntu akafikibwa kwibedi tanwibabandjile kuhudisha bibalo bioso bia Isalele.

I Yoano 3:12

Tatwikalanga bu Kana badi ā’wa mubi, bayihayile mukwabo, ooo. A bamwihayile ha mwanda kinyi? Mwanda bikitshino bie na mwinyi bibadi bibubi, a kunyi bia mukwabo nyi bibadi bilulame.

Bikitshino 8:1

Saulu badi mukumine ha lufu lwe. Ha kiakia kihindji kubebwele kubingwabingwa kwi mooku kikoñeno ki’Efile kibadi mu Yelusalema. Abadi bahalakashwe kosokoso ku mpese yoso ya Yudea na Samadia, anka batumibwa abashele.

Bikitshino 5:40

Biabia abamukuminyine; henyihaha habaitanyinwe batumibwa, na kwibakuhila, abebakamikile’shi: Tanukākulanga dimo mwishina dia Yesu; abebahoswele.

Mateo 19:14

Anka Yesu bambile’shi: Kuminai bana bakinga, tanwibatoshanga kufika kwandji’mi, mwanda bufumu bwa mwiilu nyi anka bu abo.

Mako 10:14

Anka Yesu hakumona biabia badi mufitshilwe kwishimba, bebamba’shi: Kuminai bana bahela bafike kwandji’mi, ta nwibatoshanga, mwanda bufumu bw’Efile-Mukulu mbwabo.

Luka 22:29

Ami nenusangwile bufumu, bu bibansangwidile Yaiya;

Yakoba 5:11

Talangai, biatutemuna aba bakankamane bu ba mwabi. Nubahushishe mwanda wa kukankamana kwa Yobo mwabamwenene na mwabafwidile Yehowa’shi: Yehowa e na kanya ke moo, na kutshitshimukā’nyi.