Mateo 4:17 - KILOMBENO KIHYA KIA NFUMWETU YESU KIDISITU

¹⁷ Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Mateo 4:17 Referans Kwoze

Mateo 3:2

Nwilangei’mashimba mwanda wa bufumu bwa mwiilu tabudi hehi.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Luka 5:32

Ami nkimufwile kwita nyina balulame ba mashimba, anka balwishi belangye.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Bikitshino 17:30

Biabia bihindji bia kuhatamina Efile Mukulu ebilekyela; anka binobino akamikā bantu boso kosokoso’shi, belangye ’mashimba;

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Bikitshino 26:20

Anka nabadidile kulungula abo ba ku Ndamasaka, n’abo ba ku Yelusalema, n’aba mosomoso mu mpese ya Yudea, na kwi Badjentaila namu’shi: Belangye na kwaluluka kw’Efile Mukulu, bakite namu bikitshino bilombane kwilanga kwa mashimba.

Luka 15:7

Nenulungula’shi: Kusehela mwiilu akukekala anka biabia, ahelanga mulwishi umune mwishimba, kukile makumi kitema na kitema a bantu balulame, bashyabakyebe kwilanga.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bena Bahebelu 6:1

Binyibiabia tulekyei aya myanda ya hambangilo ya Kidisitu, tuyididile ku bia bukulu, kushī kubanga kibangilo kia kwalulukil’eshimba ku myanda yifwe, na ya lukuluhilo kw’Efile Mukulu,

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Mateo 25:1

Henyihaha Bufumu bwa mwiilu abukahwandjikile bakashi tumama ekumi, abātshile matāla’bo, abatukile mu kutundaisha mubambi.

Mateo 13:47

Dimonyi, Bufumu bwa mwiilu nyi buhwandjikile na bukondja bubēlwe mu kalunga-ka-mema, bubakongwelwe ya bihaso bioso.

Mateo 10:7

Bianuende nulungule’shi: Bufumu bwa mwiilu tabudi hehi.

Luka 9:2

Bebatumine kulungula bufumu bw’Efile Mukulu, na kuhwisha basha masungu.

Mateo 11:12

Na ku mafuku a Yoano mubatshishi mpā na binobino, bufumu bwa mwiilu abukwatshibwa na bukome, n’abanyengye abebunyenga ku bukome.

Mateo 13:24

Ungi mwele belele kwabadi’shi: Bufumu bwa mwiilu bubahwandjikile kwi muntu baminyine mbio yibuwa mwifuba die.

Mateo 13:9

E na matwi a kuhusha, ahushe.

Mateo 13:11

E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe.

Mateo 6:10

Bufumu bwobe bufikye. Bikitwe hanoha-nsenga abikyeb’eshimba diobe, bu biabidi bikitshibwe mwiilu.

Luka 3:23

Yesu na mwinyi tabadi bu bihwamakumi asatu, biabadi mwikale (ahwandjikishwa) mwan’a Yosefe, mwan’a Hedi,