Mateo 26:55 - KILOMBENO KIHYA KIA NFUMWETU YESU KIDISITU

⁵⁵ Ha yawa nguba Yesu balungwile bibumbu bia bantu’shi: A nubatuku na mpete ya ngoshi na tubongye mu kunkwata, bu biabakwata ngifi su? Kwifuku n’efuku nashalele n’enu nkwete kulambukisha mu ntempelo, n’anwe tanwibankwate.

Mateo 26:55 Referans Kwoze

Yoano 8:2

Biabia nakashik’ese E bafikile dimonyi mu ntempelo, na bantu boso abafikile kwadi; n’E bashalele, bebalambukisha.

Mako 12:35

Biabia Yesu habadi alambukisha mu ntempelo y’Efile Mukulu bebehwishe’shi: A nkinyi Bafundji ba mikanda kiabakwila’shi: Kidisitu nyi mwan’a Dafida?

Yoano 7:28

Binyibiabia Yesu belele musase mu Ntempelo, mubadi mulambukisha’shi: Anunyiuku, anwiuku namu kunafikile: nkimwifwile anka bantumine nga binyibinyi, E tanumwiuku.

Yoano 7:14

Binyibiabia, Yesu bakamine mu Ntempelo, hankatshi ha Bidibwa bia Kusehela, balambukishe.

Mateo 21:23

Henyihaha, habatwelele mu ntempelo, batshiite-bakwidi bakata, na bakulu ba bantu abafikile hadi habadi alambukisha, tabamulungula’shi: Ku matalwa kinyi okitshi yino myanda? A nanyi bakuhele ano matalwa?

Mateo 26:47

Biabia habadi kiakula, Yudasa, umune a mu b’ekumina-babidi, bafikile na kibumbu kikata kitwale mpete ya ngoshi na tubongye; kibatuku kwi batshiite-bakwidi bakata na kwi bakulu ba bantu.

Mako 10:1

Henyihaha Yesu bebwele kwanka, bafikile mu bukunkula bwa Yudea, ku di’eshiya dia Yodana; bibumbu bia bantu bibamukoñene kwadi, n’E bebalambukisha dimo, bu kibadi kihikwa kie.

Luka 4:20

Henyihaha bafungile mukanda, bewalwishe kwi mulungudi e Efile, bashalele: Biabia meso a boso abadi mu kitumbwilo abamutadile swee, swee.

Luka 19:47

E badi alambukisha kwifuku n’efuku mu ntempelo. Anka batshiite-bakwidi bakata na bafundjiba mikanda na bantu bakata abadi abakimbi mwa kumwihayila.

Luka 20:1

Bitabibakitshine, ha ding’efuku di’ā mafuku, habadi alambukisha bantu mu ntempelo, na kulungulu mukāndu-wibuwa, batshiite-bakwidi bakata bafikile kwadi na bafundjiba-mikanda na bakulu.

Yoano 8:20

Yino misambo yibakwile Yesu mu kilambwilo, habadi alambukisha mu nshibo y’Efile Mukulu: takubadi muntu bamukwete masa, mwanda kihindji kie takiabandjile kufika.