Mateo 26:3 - KILOMBENO KIHYA KIA NFUMWETU YESU KIDISITU

³ Henyihaha batshiite bakwidi-bakata na Bafundji-ba-Mikanda, na bakulu ba bantu, abekoñene hamune kwibalasa kwa tshiite-mwakwidi mukata, aitanyinwa bu Kaifasa.

Mateo 26:3 Referans Kwoze

Yoano 18:24

Henyihaha Anasa bamutumine muanyibwe kwi Kaifasa tshiite mwakwidi mukata.

Mako 14:54

Petelo namu badi kwete kumulonda kumongo kula, bikyebikye, mpaa na mu luhoho lwa tshiite-muakwidi mukata e ku nundu a benē yawa, bashalele na batuhita, ku mwididi wa kālo tadi w’oto.

Yoano 18:28

Henyihaha abakatukile na Yesu kwi Kaifasa bayile n’E kwibalasa kwa nfumu, ku nshibo ya kitshibilo kia myanda; kubadi na mashik’ese bwē; anka’bo bana bene tambatwele mu nshibo ya kitshibilo, tala bakashūla kishila; su anka abakadī kidibwa kia Kukila kia Yeowa.

Yoano 11:57

Batshiite bakwidi bakata na baFadiseo namu babēle kishila’shi: Su kwi muntu euku kwadi, aleshe kwanka, bakamukwate.

Luka 3:2

Habadi Anasa na Kaifasa bu batshiite-bakwidi bakata, eyi di’Efile Mukulu dibafikile kwi Yoano mwan’a Sakadiasa mu kabāka.

Mateo 26:69

Petelo badi mushale hasha mu luholio; henyihaha kitumwanga bafikile kwadi’shi: Obe namu bodi na Yesu a ku Ngadilea.

Mateo 27:27

Henyihaha basalai ba mutontshi mukata e hanundu ha bakwabo, abayile na Yesu kwibalasa dia winyi mutontshi, biabia bebakongeshe kwadi e kibumbu kioso kia basalai.

Mako 14:66

Habadi Petelo mūshi mu luhoho, kubafikile nsongwakashi, umune a bafubi ba tshiite-muakwidi mukata e ha nundu ha benē.

Mako 15:16

Bashidika babayile n’e mu luhoho (lualwa lubadi ebalasa dikata dia nfumu,) dibatemunwanga bu Peletodyuma; abeyitamishenene kibumbu kiabi kioso.

Luka 22:55

Habosheshe kālo munkatshi mwa luhoho, bashala humune, biabia Petelo bashalele munkatshi mwabo.