Mateo 26:29 - KILOMBENO KIHYA KIA NFUMWETU YESU KIDISITU

²⁹ Ank’ami nenulungula’shi: Tankatomo dimonyi ku bino bikuba bia nfinyo, mpaa na ku diadi’efuku diankeyitomo n’enu, tangihya mu bufumu bwa Yaiya.

Mateo 26:29 Referans Kwoze

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Mako 14:25

Binyibinyi nenwamba’shi: Ta ntomo’nyi ku bikuba bia nfinyo, mpaa na ku di’efuku hankatomo nfinyo yihia ’mbufumu bw’Efile-Mukulu.

Bikitshino 10:41

Ta ku bantu boso, ooo, anka kwi tumonyi, tubasangwilwe kwibedi kw’Efile Mukulu, nyi ank’atwe abadile n’e na kutoma n’e habahwile kusanguka ku lufu.

Yoano 17:13

Biabia binobino, nami yawa afu kodi, na yino myanda nakula hano-ha-nsenga, mwanda kwambashi, muloo wande ukumbashwe munda wabo.

Mateo 13:43

Henyihaha balulame abakahenyahenya bu nguba mu Bufumu bwa Nshyabo. E na matwi a kuhusha, ahushe.

Kibafumulwe 14:3

Abo abayimbile bu lono luhya ku mpala kwa luhun’a nsulu, na ku mpala kwa nyama-ya-muwa yinanka na kwa bakulu; takubadi muntu sunga ngumune beukile kwambula lwalwa lono, anka baba be binunu lukama na makumi ananka na binanka babadi bakulwe ku bahanohansenga.

Luka 15:32

Twibiatudia kusehela na kusangala, mwanda uno mwin’obe badi mufwe, e na muwa dimo, badi mushimine, bamweka.

Luka 12:32

Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu.

Yoano 15:11

Nenulungwila yino myanda’shi, muloo wande aukekala munda mwenu, na muloo mwenu aukakumbashwa.

Mateo 28:20

Nwibalambukisha kulama bioso binenukamikile, biabia talangai, nyi n’enu mafukuoso mpaa na kunfudilo kwa hanohansenga. Amena.

Mateo 18:20

Mwanda habakekoñena mwishina diande su mbabidi su mbasatu, biabia ami nyi munkatshi mwabo.

Mateo 16:28

Binyibinyi nenulungula’shi: Kwi ibamo bemane hano, tabakamono lufu, anka su abahu kumoma Mwan’a Muntu afiki mu Bufumu bwe.

Yoano 16:22

N’anwe namu binobino nwi na kwinyongola, anka nankenumono dimo, n’eshimba dienu adikasehela, na muntu takenunyengye muloo wenu.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Mateo 26:28

Mwanda ano nyi mase ande a kilombeno kihya, āsumbukila bebungi, mwanda wa kulekyelwa kwa milwisho.

Mateo 26:30

Biabia habahwile kuyimba lono, abakatukile, benda ku ngulu a Olefeta.