Mateo 26:13 - KILOMBENO KIHYA KIA NFUMWETU YESU KIDISITU

¹³ Binyibinyi nenwamba’shi: Kosokoso akukalungulwa uno mukāndu wibuwa hanohansenga hoso, akukalungulwa namu kino kibakitshi uno mwana mukashi, takidi bu kiakumutentekyēsha.

Mateo 26:13 Referans Kwoze

Mako 14:9

Nyi binyibinyi binenulungula’shi, Ku mpese yoso ayilungulwa myanda yamukāndu-wibuwa, abakākula namu uno mwanda ubakitshi umo mwana mukashi; aukekala bu kitentekyesho kie.

Mateo 24:14

Na uno mukāndu wibuwa wa bufumu bw’Efile-Mukulu aukalungulwa hanohasenga hoso bu bulungudi bwa bu kamonyi ku mīio yoso; henyihalia kunfudilo akukafiki.

Bena Bahebelu 6:10

Mwanda Efile Mukulu te na kushīkululama kwa kwilwa mifubo yenu na kutuwita kwa kifulo kianubalesha kwishina die, nyi kianubafubila balamunwe-bakishila, na hano henyi nukianufubu.

Kibafumulwe 14:6

Namwene namu mungi mwikeilu ahahula munkatshi mw’eilu, badi na mukāndu-wibuwa wa ikala-ika kulungula babombele ha nsenga, na kwi milo yoso, na hisaka bioso, na ba ndjimi yoso, na bantu boso.

I Temote 2:6

E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane.

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

Ii Bena Kodinda 10:18

Mwanda ta ngiawa etumbish’ē na mwinyi ’mukuminwe ooo, anka yawa atumbishibwa kwi Nfumwetu.

Bena Loma 15:19

kwanka mu katshintshi ka bitundwilo na bilengyeleshi bikata bi moo, ku katshintshi ka Kikudi-E-Selele; hakukita’shi, kubangila ha Yelusalema, na kwifunya, mpaa na kufisha ha Ididikuma, nahu kwakudidila mukāndu-wibuwa wa Kidisitu.

Bena Loma 10:18

Anka’ mi nākula’shi: A tambahushe su? Ee, abahushishe binyibinyi; Eyi diabo dibafumankene kosokoso hanohansenga, na myanda yabo kunfundilo kwa nsenga.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Mako 16:15

Binyibiabia bebalungwile’shi: Ndai hanohansenga hoso, nukalungula myanda ya mukānduwibuwa ku boso.

Mako 13:10

Anka mukāndu-wi-buwa (w’Efile-Mukulu) abakalungula milo yoso kwibedi.

Mateo 28:19

Binyibiabia, ndai, nulambukishe milo yoso, na kwibabatshisha mwishina dia Yaiya, na dia Mwana, na dia Kikudi-E Selelee.

Bikitshino 10:4

Habamushinkikile meso, bakwetwe na moo, bambile’shi: A nkinyi Mwanana? E bamwalulwile’shi: Nteko yobe na bia buntu biobe bibakamine ku mpala kw’Efile Mukulu bu kitentekyesho.