Mateo 25:46 - KILOMBENO KIHYA KIA NFUMWETU YESU KIDISITU

⁴⁶ Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mateo 25:46 Referans Kwoze

Yoano 3:36

E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

Yoano 5:29

abakatuku, abo’shi abakitshine bibuwa, kwi lusangukilo lwa muwa n’abo abakitshine bibubi, kwi lusangukilo lwa kuhishibwa.

Kibafumulwe 21:8

Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi.

Kibafumulwe 20:15

Na muntu oso shī musananwe (eshina die) difundjibwe mu mukanda wa muwa, ēlwa mwishiba dia kālo.

Ii Bena Tesalonika 1:9

Abo banakamweshibwe malwa a kulwishibwa kwa kwi-kala-ika kukatuka ku mpala kwa Nfumwetu, na ku ntumbo ya katshintshi ke;

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

Bena Loma 5:21

eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu.

Kibafumulwe 20:10

Na kafilefile, winyi bebōngwele, belelwe mwishiba dia kālo na soufre, mwi nyama-e-bukyelo na mutemuki a madimi; banakamweshibwe mitanyo kanya na bufuku, mpaa na kwikala-ika.

Mateo 25:41

Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be;

Bikitshino 24:15

Nyi na Efile Mukulu lukuluhilo lwabakumine kw’abo bana bene’shi: Akukekala lusangukilo lwa bafwe balulame, na lwa bashi balulami.

I Yoano 2:25

Na uno nyi mulayilo wabetulayile, nyi muwa wa ikala-ika.

Bena Ngalatea 6:8

Mwanda yawa akunā ku mbidi y’e na mwinyi, akaumbula (namu) kunyanga ku mbidi; anka yawa akunā kwi Kikudi-E-Selelee, akaumbula muwa wa ikala-ika ku Kikudi-E-Selelee.

Luka 16:26

Ungi mwanda namu, hankatshi h’etu n’anwe mpatudibwe luhongo lukata: binyibiabia takwiuku muntu e kwa nudi kwabuka kwatudi, n’e kwatudi kwabuka kwanudi.

Yoano 17:2

Anka bu mu bomuhele matalwa ha bantu boso’shi, akahe boso babomuhele muwa wa-ikala-ika.

Mateo 19:29

N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika.

Mateo 13:43

Henyihaha balulame abakahenyahenya bu nguba mu Bufumu bwa Nshyabo. E na matwi a kuhusha, ahushe.

Yuda 1:21

Nwilame mu kifulo ki’Efile Mukulu, na kutengyela lusa lwa Nfumwetu Yesu Kidisitu mpaa na ku muwa wa ikala-ika.

Mateo 19:16

Talangai, umune bafikile, bamwihwishe’shi: Mulambukishi e buwa, nankakitshi kinyi kibuwa kia kumwena muwa wa ikala-ika?

Mateo 25:45

Henyihaha E akebālulwila’shi; Binyibinyi nenulungula’shi: Anka mwanushībakitshine kwi umune a bano mukile kihela, biabia tanwibankitshine’mi, ooo.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 5:24

Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa.

Yoano 6:27

Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi.

Yoano 6:40

Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Bikitshino 13:46

Henyihaha Paulu na Banabasa abanyingile mashimba, bamba’shi: Kw’anka biabia mwanda w’Efile Mukulu kwinulungulwa kwibedi; anka ha mwanda nubeukatusha kwanudi, nubetshibila namu’shi: Tatwi bahwandjikile muwa wa ikala-ika, talai, tubealula kwi Badjentaila.

Bikitshino 13:48

Badjentailalia bahushishe biabia abasehelele, tabatumbisha Mwanda wa Nfumwetu; na boso abadi basangwilwe ku mona muwa wa ikala-ika abakuminyine.