Biblia Todo Logo
Bib sou entènèt

- Piblisite -




Mateo 25:34 - KILOMBENO KIHYA KIA NFUMWETU YESU KIDISITU

34 Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Gade chapit la Kopi




Mateo 25:34
68 Referans Kwoze  

Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su?


Yawa akambila anakahyane bino bintu, n’ami nankekala kwadi bw’Efile Mukulu e, e namu akekala kwandji’mi bu ande mwana.


Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.


E bebalungwile’shi: Anukatomo binyibinyi kwikoho diande, anukabatshishwa na lubatshisho lwanbatshishibwa n’alo; anka kushala ku mboko yande yi balume na ku yi bakashi, tankwande kuha, ooo, anka akikahebwa baba babalumbulwilwe kwi Shami.


Winyi nyama-e-bukyelo obomwene badi kala, binobino te kwanka, takyebe kwabuka luhongo lushī na nfudilo ēnde mu kulwididila. N’abo ababombela ha nsenga banakakanye, (mbaba) bashī na mashina’bo afundwe mu mukanda wa muwa wa ku mbangilo ya hanohansenga; habanakamone nyama-e-bukyelo, mwadi mwikele kwanka, te kwanka binobino, n’akafiki.


Mwanda’twe tubakuminyine atutwele mu kikisho anka mu bakudile’shi; Anka munatshihile mu nsungu yande’shi: Su abakatwele mu kikisho kiande: sunga bikitshino bibakitshinwe ku mbangilo kwa hanohansenga.


Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu.


Anka binobino abelombā kwi yiyifinyine buwa, kuhatula’shi, nyi ngiā’mwa mwiilu; binyibiabia Efile Mukulu te na būfu kutemunwa bu Efile Mukulu abo; mwanda e babalumbulwidile kibalo.


Binyibiabia kiañakula anwe bakwetu nkino’shi: Mwita na mase tabiuku kuhyana bufumu bw’Efile Mukulu; sunga kinvangyo takiuku kuhyana kishīkinyangye.


Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be;


Ha mutwelo we na h’etankanta he badi n’eshina difundwe’shi: NFUMU A BANFUMU, NA MWANANA A BAMWANANA.


Anka mwaubafundjibwe’shi: Ayo tangimonyibwe na meso, sunga nkwiyihusha na matwi, sunga nkutwela ’mashimba a bantu, (yinyi) myanda yibalumbulwidile Efile Mukulu abo be n’e kifulo.


Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe.


N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika.


Biaudia kukumbashwa ubakwile mutemuki eshi; Nankabula mukanwa mwande na miele; nankatusha myanda yibadi yifībwe mpaa na ku mbangilo ya hanohansenga.


Na kushī kwalula bibubi ku bibubi, ooo, sunga mulomo ku ungi mulomo; anka nwalushei mwabi; mwanda kwi yinyī’yo nyi kwanubaitanyinwe’shi, nuhyane mwabi.


Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.


Kiutu, etombo, kukolwakolwa, na kutoma matanga, na yingi yi bino; ha yinoi nenudimuna, anka mwanenudimwinyine kala’shi, abo abakitshī’yo tabakahyana bufumu bw’Efile Mukulu, ooo.


Tanwiuku’shi: Bashībalulame tabakahyana bufumu bw’Efile Mukulu? Tanubembibwanga, sunga basha kukyebana-kyebana, sunga balangwidi ba mankishi sunga basha lusandji, sunga bakwilwisha abo bana bene bu bakashi, sunga bakwilwisha abo bana bene na balume,


Eshi: Mwabi kwi Nfumu afiki mwishina dia Yehowa: kufukama mwiilu na ntumbo mwiilu mukile.


Ese muntu akashūla kamune’nka kahelahela ka yino milangilo, na kulambukisha bantu biabia, e akatemunwa bu kentshantshantsha mu bufumu bwa mwiilu; anka ese muntu akwiyilama na kwiyilambukisha, na mwinyi akatemunwa bu mukata mu bufumu bwa mwilu.


Nwilangei’mashimba mwanda wa bufumu bwa mwiilu tabudi hehi.


bwetwikasha bu banfumu na batshiite-bakwidi kw’Efile Mukulu etu; n’atwe twanakabikale hanohansenga.


hakutambula nfudilo ya lukuluhilo lwenu tankihandjilo kia bikudi bienu;


Su mbiabia ubadi n’ao ngwa kufwambuka misusa na misusa ku mbangilo ya hanohansenga, anka hano hanfudilo ha bihungilo, bamwekyelele anka mususa umunenka, mu kukasha milwisho ha kwilambula e na mwinyi bu kitahilo.


biabiakubambikilwe kilongo kia kululama, kiankahebwa kwi Nfumwami nsushi mululame, ku dia di’efuku; tañanka kwandji’mi buhenka, ooo, anka kwi’bo boso abasehela kufumbuka kwe.


eshi, nutambukile muhwandjikile kw’Efile Mukulu, benwitanyine ku bufumu bwe na ntumbo.


Su twi bana be, biabia twi bampianyi b’Efile-Mukulu na bu bampianyi balombashwe na Kidisitu; su mbinyi atufwambuka n’e’shi, mwatudia kutumbishibwa ntumbo hamune n’e.


Kwiukibwa kw’Efile Mukulu bikitshino bie bioso mpaa na ku mbangilo ya hanohansenga.


Efile Mukulu hakwibosha mufubi e Yesu, bamutumine kwanudi kwibedi mu kwinuha mwabi wa kwinwalula’nwe boso ku bubi.


Anka’bo abanyishishe mayi abo’shi: Mukatushei! Mukatushei! numuihe ha nkulusu. Pilato bebehwishe’shi: Nyihē Nfumwenu su? Batshiite bakwidi bakata abamwalulwile’shi: Tatwi na mungi nfumu, anka Kesala.


Abātshile malala a mabo, abayile mu kumutundaisha, bēnda, abasamanga shi: Hosana: Mwabi kwi Nfumu a Isalele afiki mwishina dia Yeowa.


Natanyele bamwalulwile’shi: Labi, obe we Mwan’Efile Mukulu, obe we Nfumu a Isalele.


Ank’e bakwile’shi: Ee! anka mwabi ngukile kwi’bo abahusha mwanda w’Efile Mukulu, na kwiulama.


Anka kushāia kwa ku mboko yibalume, mungi kumboko yibakashi, wawa ta mwanda wande kuha muntu, anka (kushola) biabia nkwāba bekulumbulwidibwe.


Abatūle kunundu kwa mutwe we kitewilo kifundjibwe’shi: UNO NYI YESU A BENA YUDA.


Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe.


Lungulai mwana mukashi a Siona eshi: Talai, Nfumwobe afiki kodi’ be, muhohele, mutentame ha mpunda, na mwan’e;


Mwanda’nwe anwiuku yino’shi, sunga nga bukyebanekyebane, sunga sha biko mwishimba, sunga sha lwabi, sunga mulangwidi-a-mankishi tagbe na kia bakahyana mbufumu bwa Kidisitu n’Efile Mukulu, ooo.


Ntumu akebālula’shi: Binyibinyi nenulungula’shi: Anka mwanubakitshinyine kwi umune a bano mukile kihēla kwi’ba bakwetu, biabia nubankitshinyine’mi.


Henyihaha habadi kwete kwenda mwishinda, muntu bakamine lubilo, bamukunamine hāshi, bamwihwishe’shi: Obe Mulambukishi Ebuwa, aki nkinyi kiandjia kukita mu kuhiana muwa wa ikala-ika?


Eshi, mase a batemuki boso, abasumbukile mpaa na ku mbangilo kwa hanohansenga, akakebibwa ku kino kihungilo.


Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.


Abo boso tambikudi bia mulubo, babatuminwe kufubilā’ba abakekala bampianyi ba kihandjilo su?


Swiv nou:

Piblisite


Piblisite