Mateo 25:21 - KILOMBENO KIHYA KIA NFUMWETU YESU KIDISITU

²¹ Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe.

Mateo 25:21 Referans Kwoze

Mateo 25:23

Nfumwe bamulungwile’shi: Obe shobe bolumbula, mpika mulumbulukye a kishima; bodi na kishima mu bintu bihela, nankakutulu bu mulami hanundu ha bintu bi bungi; twel’obe mu muloo wa nfumwobe.

Luka 16:10

Yawa enakishima mu kiakia kikambe buhela e na kishima namu mu bibungi: na yawa shīmululame mu kinyi kikile buhela, e tamululame namu mu bibungi.

Yoano 12:26

Su muntu anuma, andonde; kwandji mwikale, mufubi ande namu akekala kwanka: su muntu ānumā, Shami akamunemeka.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Yoano 14:3

Biabia su nēnde kwinulumbulwila mbalo yenu, nankaluka dimonyi kwinutambula kwandji, eshi, kwandji mwikale n’anwe anukekala kwanka namu.

Yoano 17:24

Obe Yaiya nakyebe’shi baba namu babompele, bekale kwandji mwikale, yabadia kumona ntumbo yande yibompele, mwanda bodi nami kifulo, kwibedi kwa kibangilo kia nsenga.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Mateo 24:45

A biabia, a nanyi mpika a kishima na binangu batudilwe nanfumu e bu mulami a ba ku nshibo ye, kwibaha bidibwa ha kihindji kihwandjikile?

Bena Fidihai 1:23

Mwanda ’mi nyi muhatakanwe na myanda yibidi, aku nyi n’eshimba kukatuka, na kwikala na Kidisitu, (ako) nyi nkukilabuwa bukalabale;

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

Bena Loma 2:29

Anka mwina Yuda na mwinyi nyi anka a munda; na kisale namu nyi kwishimba mu muwa, kushī ku mukanda anka ao, ooo; ntumbo ye yishī ya ku bantu, ooo, ngia kw’Efile-Mukulu.

Luka 12:44

Mbia binyibinyi nenulungula’shi: Akamutulu bu mumunyi a bintu bie bioso.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mateo 24:47

Binyibinyi nenulungula’shi: Akamutulu bu mulami a bintu bie bioso.

Kibafumulwe 21:7

Yawa akambila anakahyane bino bintu, n’ami nankekala kwadi bw’Efile Mukulu e, e namu akekala kwandji’mi bu ande mwana.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Ii Bena Kodinda 10:18

Mwanda ta ngiawa etumbish’ē na mwinyi ’mukuminwe ooo, anka yawa atumbishibwa kwi Nfumwetu.

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Ii Bena Kodinda 5:9

Biabia twi na kinsukunsuku’shi, sunga twi kwadi, sunga twilekena n’e, twikale bakumusangulusha kwishimba.

I Temote 3:13

Mwand’abo abafubile biya bufubi bwa bamendaku-ba-kikoñeno-ki’Efile, abamwenamo kwi’bo bana bene mwa kwimena hebuwa, na kukankamana kw’eshimba kukata mu lukumino lwi mu Kidisitu Yesu.