Mateo 25:1 - KILOMBENO KIHYA KIA NFUMWETU YESU KIDISITU

¹ Henyihaha Bufumu bwa mwiilu abukahwandjikile bakashi tumama ekumi, abātshile matāla’bo, abatukile mu kutundaisha mubambi.

Mateo 25:1 Referans Kwoze

Kibafumulwe 19:7

Tusehelei na kusangala kukata, tumuhei ntumbo, mwanda ebambo dia Mwan’a-Mukoko dibafiki, na mpian’e tahwile kwilumbula.

Kibafumulwe 21:9

Henyihaha kubafikile umune a ku bamwikeilu musambobidi, badi na bihulu musambobidi, bi munemene na bihuha musambobidi bia nfudilo; bākwile n’ami’shi: Fwa kuno, nkuleshe mwana mukashi takyebe kutwela, nyi mpian’a Mwan’a-Mukoko.

Kibafumulwe 21:2

Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e.

Yoano 3:29

Yawa e na muba mbwe nyi mubambi; ankakūku a mubambiaimana (hadi) na kumuhusha asehelā bikata, mwanda w’eyi dia mubambi: anka biabia namu kusangala kwande kubakumbashwa.

Mateo 13:24

Ungi mwele belele kwabadi’shi: Bufumu bwa mwiilu bubahwandjikile kwi muntu baminyine mbio yibuwa mwifuba die.

Kibafumulwe 14:4

Bano nyi mbaba tambalwishwe na bana-bakashi, mwanda’bo ntumame. Bano nyi mbaba abalondo Mwan’a-Mukoko kosokwēnde. Bano abakūlwe munkatshi mwa bantu; (nyi) mbikuba bia kwibedi bia kw’Efile Mukulu na kwi Mwan’a-Mukoko.

Tetusa 2:13

na kutala kwa lwinyi lutengyelo lwa mwabi, na lufumbuko lwa ntumbo lw’Efile Mukulu etu mukata, Muhashi etu Yesu Kidisitu.

Mateo 22:2

Bufumu bwa mwiilu mbuhwandjikile na nfumu kampanda, batekyele mwan’e bidibwa bia kubamba.

Ii Temote 4:8

biabiakubambikilwe kilongo kia kululama, kiankahebwa kwi Nfumwami nsushi mululame, ku dia di’efuku; tañanka kwandji’mi buhenka, ooo, anka kwi’bo boso abasehela kufumbuka kwe.

Mateo 3:2

Nwilangei’mashimba mwanda wa bufumu bwa mwiilu tabudi hehi.

I Bena Kodinda 11:2

Anka bino namu nenutumbisha bakwetu mu Kidisitu’shi, nwantentekyesha mu bintu bioso, na kulama milangilo, hamune munenufishishe’yo.

Mateo 20:1

Mwanda Bufumu bwa mwiilu mbwifwane na sha nshibo, batukile namashika ese mu kutula bafubi mwifuba die dia nfinyo.

Mateo 13:47

Dimonyi, Bufumu bwa mwiilu nyi buhwandjikile na bukondja bubēlwe mu kalunga-ka-mema, bubakongwelwe ya bihaso bioso.

Mateo 13:38

Dinyi efuba nyi bahanohansenga; mbio yibuwa yi bana ba Bufumu, anka nkonongo nyi bana ba wawa mubi;

Kibafumulwe 4:5

Mubatukile mu luhun’a nsulu kuhenyahenya kwa mpeshi, na mikungulu, na mayi; ku mpala kwa luhun’a nsulu bimunyi bia kālo musambobidi bibadi abitembe, abio nyi m’Bikudi musambobidi bi’Efile-Mukulu.

Ii Bena Kodinda 11:2

Mwanda nyi na mukao kwinwe, au winyi ngwa kw’Efile Mukulu; mwanda nahu kwinukumina kwi mulume umune’shi, mwandjia nkenulubwila bu kamame e selelee kwi Kidisitu.

Mateo 9:15

Yesu bebālulwile’shi, A bana ba mu nshibo ya mubambi mukashi abeuku kudila ha ki ntubambi e n’abo su? Anka mafuku akafiki hakakwatwa mubambi inulume kwabadi, biabia abakashīdi biakudia.

Mateo 5:16

Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu.

Bikitshino 20:8

Mubadi bimunyi bibungi mu nshibo ya kwiilu mwabadi bekongyele.

Mateo 13:31

Ungi mwele belele kwabadi’shi: Bufumu bwa mwiilu mbuhwandjikile na lubio lwa mūtade lubātshile muntu, bakunyine mwifuba die.

Mateo 25:7

Biabia baba bakashi tumame abebwele, abalumbulwile matala’bo.

Yoano 18:3

Henyihaha Yudasa habatambwile kibumbo (kia balume) na bamwanafita kwi batshiite bakata na Bafadiseo babafikile kwanka na matala na mienhye na bia ngoshi.

Kibafumulwe 8:10

Henyihaha mwikeilu a kasatu bōmbele, na luenyenyi lukata lubahonene mwiilu, lubadi alutembe bu kimunyi, lubahōne ha kihindji kia kasatu kia misulo ya mema, na ha masulo a mema;