Mateo 24:7 - KILOMBENO KIHYA KIA NFUMWETU YESU KIDISITU

⁷ Mwanda mīlo na mīlo ayiketukena ngoshi, na mafumu na mafumu. Akukekala minanga, na bihuha bia masungu, na nsenga ayikatenkatenka mu bihindji na bihindji.

Mateo 24:7 Referans Kwoze

Luka 21:11

Nsenga ayikatenkakana bikata mu bihindji na bihindji, akukekala bihuha bia nsala, na bia masungu, na bia ku sushisha moo, na bitundwilo bikata bia kwiilu.

Kibafumulwe 6:8

Natadile, namona nfalasa mutokolokye; n’eshina dia yawa badi mutentame hanka dibadi Lufu, na Kalunganyembo kabadi akalondo ku nyima kwe. Kubebahelwe namu matalwa hanundu ha luhese lwa kananka lwa bahanohansenga kwilwika ku luhete lwa ngoshi, na ku kihuha kia nsala, na ku kihuha kia lufu, na ku nyama yi bukyelo ya hanohansenga.

Bikitshino 11:28

Mungi, eshina die bu Agabusa bēbwele, bahatulwile mu Kikudi-E-Selelee’shi: Akukekala: kihuha kia nsala hanohansenga hoso; kibamwekyele mu mafuku a Kalaudiuse Kesala.

Kibafumulwe 6:12

Natadile habalamwine kiukilo kia kasamombo, tala, kubadi kutenkatenka kukata kwa nsenga; na nguba bālulukile ta difita fututū bwikutu di bwaa, na mweshi ubālulukile bu mase;

Bena Bahebelu 12:27

na bino bishima: Ungi mususa, abifunkila kukashibwa kwa’bia bintu bibatenkakeshwe bu ku bintu bibahangilwe’shi, abia bintu bishībitenkakashwe bikale kwanka.

Bikitshino 2:19

Nankalesha bia makita mwiilu, Na bitundwilo hano hashi ha nsenga; Mase, na kālo, n’ebungibungi dia mwishi.

Kibafumulwe 6:5

Habalamwine kiukilo kia kasatu, nahushishe nyama a muwa a kasatu kwete kwakula’shi: Fwōtale. Natadile, namona nfalasa fita; na yawa badi mutentame hanka badi na kihimo mwiyasa die.

Kibafumulwe 6:6

Nahushishe bwīyi dia munkatshi mwa nyama ya muwa yinanka, adiamba’shi: Kihimo kiangano ku lufalanga lwa ndenadi lumune, na bihimo bisatu bia d’orge ku lufalanga lwa ndenadi lumune. Tolwishanga mwimu na nfinyo.