Mateo 24:37 - KILOMBENO KIHYA KIA NFUMWETU YESU KIDISITU

³⁷ Anka mubadi mwikele mafuku a Noa, anka biabia namu nyi a mukekala kufika kwa Mwan’a Muntu.

Mateo 24:37 Referans Kwoze

Ii Petelo 3:6

Nyi kubalwishishwe n’aya nsenga yibadi kwanka kala ha kwinwa ’mema:

Ii Petelo 2:5

tamulekyele namu bahanohansenga ba kala, anka bahashishe Noa, a mwanda, mulungudi a kululama, bafishishe mema na mumambwe ha ba ha nsenga bashī bādi b’Efile Mukulu;

Bena Bahebelu 11:7

Ha lukuluhilo Noa badimwinwe kw’Efile Mukulu ha myanda yishyabandjile kumweka, habakwatshilwe na moo (wa kw’Efile,) bebakile bwato bwa kiha ndjilo kia ba ku nshibo ye, nyi henyi’ho habahoneshe bia hanohansenga, bālulukile tampyanyi a kululama kwiyile lukuluhilo.

Mateo 24:39

Tababadi beukye mpaa n’ahabafikile kiino kibebashimishe boso; Anka biabia namu nyi a bikekala ha kufika kwa Mwan’a Muntu.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Mateo 24:3

Habadi mushale ha ngulu ya Olefeta, bana-be-ba-bukishi abafikile kwadi ku bufiefie’shi: Etulungule ahakafiki bino bintu? na kinyi akikekala kitundwilo kia kufika kobe, na kia kunfudilo kwa bahanohansenga?

Mateo 24:27

Mwanda bu luhenyo lwa mpeshi alufu ku kihindji akitunduka nguba, na kuhenya mpaa na kwa kuhona nguba, anka biabia namu nyi abikekala kufika kwa Mwan’a Muntu.

Mateo 24:30

Henyihaha kitundwilo kia Mwan’a Muntu akikamweka mwiilu; biabia mīlo yoso ya hanohansenga ayikadidi; ayikamono Mwan’a Muntu afiki ’makumbi a mwiilu na bukome na ntumbo yikata.