Mateo 19:29 - KILOMBENO KIHYA KIA NFUMWETU YESU KIDISITU

²⁹ N’ese muntu akuleka mashibo e, su mbakwabo balume su mbakwabo bakashi, su nshye, su nyina, su mpian’e, su bana, su nsenga, ha mwanda w’eshina diande, akatambula bifwime misusa lukama, akahyana namu muwa wa ikala ika.

Mateo 19:29 Referans Kwoze

Bena Fidihai 3:8

Ee, binyibinyi nahwandjikisha bintu bioso bu bia bisumanga ha mwanda wa buwa būkishakishe bwa kiukilo kia Kidisitu Yesu Nfumami; ha mwanda we nakutshidilwa bintu bioso, nebihwandjikisha namu (anka) bu bitshianyi’shi, nkamone Kidisitu,

Luka 14:26

Su kwi muntu, su nanyi su nanyi afiki kwandjimi’shi, mufutale nshye na nyin’e, na mpiana’e, na bana b’e na bakwabo balume, na bakwabo bakashi, ee, na muwa we na mwinyi namu, e teuhu kwikala mwan’ande abukishi.

Mateo 16:25

Mwanda ese akahasha muwa we akeushimisha; n’ese akashimisha muwa we ha mwanda wande, akeumono.

Mateo 6:33

Anka kwibedi kimbai bufumu bw’Efile Mukulu, na kululama kw’eshimba kwe, na bino bintu bioso abikenutentekyelwa.

I Petelo 4:14

Su anusabulwa ha mwanda w’eshina die Kidisitu, mwabi ngwenu; mwanda Kikudi kia ntumbo na ki’Efile Mukulu nkishale hanudi; ku luhese lwabo abamwakwila bibubi, anka ku luhese lwenu atumbishibwe ntumbo.

Mateo 10:22

Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa.

Yoano 15:19

Su anwikalanga ba-hano-ha-nsenga, ba-hano-ha-nsenga abefulena ba na bene: anka ha mwanda’nwe tanwi ba-hano-ha-nsenga, anka’mi nenusangwile mu ba-ha-nsenga, binyibiabia ba-ha-nsenga abenushikwa.

Luka 6:22

Mwabi ngwenu habakenushikwa kwi bantu, na habakenulamuna (munkatshi mwabo,) na kwinutohēka, na kusumbula eshina dienu bu dibi, ha mwanda wa Mwan’a Muntu.

Mateo 5:11

Mwabi kwanudi h’ābenukaa, na h’ābenusabula, na h’ābenudimbila madimi oso, ha mwanda wande.

I Bena Kodinda 2:9

Anka mwaubafundjibwe’shi: Ayo tangimonyibwe na meso, sunga nkwiyihusha na matwi, sunga nkutwela ’mashimba a bantu, (yinyi) myanda yibalumbulwidile Efile Mukulu abo be n’e kifulo.

Bikitshino 9:16

Mwanda nankamulesha mwakafwambukila mu bintu bibungi ha mwanda w’eshina diande.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Mateo 19:16

Talangai, umune bafikile, bamwihwishe’shi: Mulambukishi e buwa, nankakitshi kinyi kibuwa kia kumwena muwa wa ikala-ika?

Mateo 13:23

Anka e batambwile mbio mu nsenga yibuwa, nyi e ahusha Mwanda, na kwiushingula, a aha bikuba namu, atusha yingi bu lukama, yingi bu makumi asamombo, yingi bu makumi asatu.

Ii Bena Kodinda 5:16

Binyibiabia ku kihindji ki ku mpala tatukeuku muntu mulombene bia ku mbidi, ooo, sunga ngumune: ee, sunga tubeukile Kidisitu, mulombene mbidi, sunga mbiabia tatukamwiuku dimonyi, ooo.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mateo 13:8

Anka yingi yibahonene ha nsenga yibuwa; yibahele bikuba, yingi ha lukama, yingi ha makumi asamombo, yingi namu ha makumi asatu.

Iii Yoano 1:7

Nyi ha mwanda w’eshina die abahalakene; tabakuma kutambula kintu kwi Badjentaila.

Luka 5:11

Habafishishe mato ku mahia, abalekyele bioso, tabamulondo.

Yoano 4:36

N’aumbula atambul’efuto, nākongola bikuba ku muwa-wa-ikala-ika: eshi, mukunyi na munoyi abakasangala hamune.