Mateo 19:28 - KILOMBENO KIHYA KIA NFUMWETU YESU KIDISITU

²⁸ Yesu bebalungwile’shi: Binyibinyi nenulungula’shi: Anwe abandondo baba mwifuku dia kuhangilwadimo, ahakashala Mwan’a Muntu ha luhun’a nsulu lwe lwa ntumbo, anwe namu anukashala ha mpun’a nsulu ekumi na yibidi, anukatshibila myanda ya bisamba ekumi na bibidi bia bena Isalele.

Mateo 19:28 Referans Kwoze

Mateo 25:31

Ahakafiki Mwan’a Muntu mu ntumbo ye, na bamwikeilu boso balamunwe-be-kishila n’e, henyihaha akashala ha luhun’a nsulu lwa ntumbo ye:

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Kibafumulwe 7:4

Nahushishe bungi bwa’ba batudibwe kitundwilo; (babadi) lukama na makumi ananka na binanka bia binunu ba ku bisaka bioso bia bena Isalele.

Ii Petelo 3:13

Ank’atwe mwiyile mulayilo we atutengyela mailu ahya na nsenga yihya, mū’bio nyi amubombela kululama.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Kibafumulwe 21:5

Yawa ashalā ha luhun’a-nsulu bambile’shi: Talangai, bia mpangula bintu bioso ta mbihya. Bambile’shi: Funda, mwanda yino myanda yi kishima na ya binyibinyi.

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Bikitshino 3:21

Nkihwandjikile mwiilu kumutambula mpaa na ku bihindji bia kulumbula kwa bintu bioso, bibakwile Efile Mukulu ku kanwa kwa batemuki be bahatulwe-be-kishila, kasha babangile hanohansenga.

Mateo 20:21

Bamwihwishe’shi: Okyebe kinyi? E bamwā-lulwile’shi: Akula bano bana bande balume babidi, bashale mu Bufumu bwobe, umune ku mboko yi balume, mungi ku mboko yi bakashi.

Kibafumulwe 22:2

Munkatshi mwa luhata lwa’kio na ku mpese yoso yibidiya mwela (kubadi) mutshi wa muwa-au-tala, auheya bikuba misusa ekumi na yibidi ku mweshi ku mweshi, na mabishi a mutshi abadi a kuhasha n’ao mīlo ya bantu.

Kibafumulwe 12:1

Binyibiabia kitundwilo kikata kibamwekyele mwiilu; mwana-mukashi mufwadikwe nguba, na mweshi mushi mwa ngwa ye, na ha mutwe we habadi kilonga kia nyenyenyi ekumi na yibidi.

Mateo 6:33

Anka kwibedi kimbai bufumu bw’Efile Mukulu, na kululama kw’eshimba kwe, na bino bintu bioso abikenutentekyelwa.

Mateo 8:20

Yesu bamwalulw’ile’shi, miseo yi na mena’yo, tonyi tw’eilu twi na maswa; anka Mwan’a muntu te na hakusamina mutwe (we).

Mateo 19:27

Binyibiabia Petelo bamwālulwile’shi: Talanga, atwe tubalekye bioso, tubakulondo; A biabia atukatambula kinyi?

Mako 10:37

Abo abamulungwile’shi: Bibuwa obe ku kumin’atwe kushāla n’obe mu ntumbo yobe, mungi ku mboko yobe yibalume, na mungi ku mboko yobe yibakashi.

Kibafumulwe 11:16

Binyibiabia bakulu makumi abidi na bananka abashalā ku mpala kw’Efile Mukulu ha mpun’a nsulu y’abo, abahōne mahala’bo hashi, tabalangwile Efile Mukulu’ shi:

Kibafumulwe 22:5

Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika.