Mateo 17:27 - KILOMBENO KIHYA KIA NFUMWETU YESU KIDISITU

²⁷ Sunga mbiabia, tala twebakokoshanga, obe ndanga kwdshiba, wele’mo bulobo, wāte mushiha aubadila kulobola, na hakwiuasamisha mukanwa, okamono lufalanga lwa shekela mwanka. Wate’lo webahe’lo ku kitadi kiande na kiobe.

Mateo 17:27 Referans Kwoze

Ii Bena Kodinda 6:3

Tanukitanga kia kukokosha su mu kinyi su mu kinyi’shi, tala mifubo yetu y’Efile yatohekwa.

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

I Bena Kodinda 8:9

Anka nudimukye’shi, buno bukome bwenu tabukālulukanga bu kikokwesho kwi baba batūba.

I Bena Kodinda 8:13

Binyibiabia su bidibwa abikokosha mukwetu, biabia tankadi’nyi bidibwa mpaa na kwikala-ika’shi, tala nankakokosha mukwetu.

Bena Loma 14:21

Ta bibuwa kudia mwita, su nkutoma mālwa, sunga nkukita su nkinyi su nkinyi, akikokosha mukwabo, (su nkumuhīsha mwanda, su nkumwikasha lotolo.)

Yakoba 2:5

Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su?

I Bena Tesalonika 5:22

Shalai ku bihaso bioso abihwandjikisha bu bubi.

Yoano 6:61

Habeukile Yesu munda we’shi, bana-be-ba-bukishi abeunyinga, bebehwishishe: Uno mwanda awinukokosha su?

Mateo 5:29

Su eiso diobe dibalume dibakukokosha, tondobola’dio, wedisumbule, mwanda wa kushimisha kintu kimune kia mbidi yobe, nkukila kwelwa mbidi yobe yoso mu Ngehena.

Mateo 5:30

Su mboko yobe yibalume yibakukokosha, tshibayo, weyisumbule, mwanda kushimisha kintu kimune kia mbidi yobe nkukile kwelwa mbidi yobe yoso mu Ngehena.

Mateo 17:26

Petelo bamwālulwile’shi: Kwi bēnyi. Yesu bamulungwile’shi; Biabia bana be be baluñantu.

Mateo 18:6

Anka muntu oso akakokosha umune a bano bana abakumina mwandji’mi, nkikile buwa kwi’wa (muntu)’ shi, ebwe dia kuhela bukula dimwanyine ku nshingo ye, eshīkye mu bula bwa mema-akata.

Mateo 18:8

Binyibiabia su easa diobe, sunga lwā lwobe abikokosha, webitshibe, webisumbule; mwanda nkikile buwa obe kutwela mu muwa na kishetshi sunga nkilema, na he kwikala na māsa abidi, sunga ngwa yibidi, na kwelwa mu kālo ka ikalaika.

Mako 9:42

Ank’awa akakokosha umune a mu bana bahela abankumine, akikemukile buwa efuto die’shi, su abamwanye ebwe dia bahela bukula mu nshinga ye, abakamwele namu mwishiba dia mema.

Mako 9:43

Su mboko yobe ayikukokosha, biabia eitshibe, mwanda, kutwela ’muwa na kilema nyi kukila kodibe, su kuelwa mu Ngehena na māsa abidi mu kālo kashi keuku kushima.

Luka 17:2

Kuanya kwa yawa muntu ebwe adihelwa mu nshingo, kumwela mu kalunga ka mema, nkukile buwa e kukokosha umune ā’ba bahela.