Mateo 16:27 - KILOMBENO KIHYA KIA NFUMWETU YESU KIDISITU

²⁷ Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Mateo 16:27 Referans Kwoze

Ii Bena Kodinda 5:10

Mwanda’twe boso wa tudi n’au ngwa kukafumbulwa ku mpala kwa kimu kia Kidisitu’shi, ese muntu akatambule bintu bibakitshinwe mu mbidi, mwiyile mubakitshinyinu, sunga mbibuwa sunga mbibubi.

Bena Loma 2:6

E akaha muntu ese, muntu na kie, muntu na kie anka mulombene bikitshino biabo.

Bena Loma 14:12

Binyibiabia atwe boso atukeilubula, muntu hee, muntu hee, kw’Ifile-Mukulu.

Bena Efisesa 6:8

Hakwiuka’shi, bioso bilumbulukye abikita bantu au hē au hē, nyi anka kia kamono (dimo) kwi Nfumwetu, sunga e mpika sunga e muluñantu.

Yuda 1:14

Biabia Enoka namu, a musambobidi kubangila kwi Adama, batemukile ha mwanda wa bano’shi: Talangai, Nfumwetu afiki na bahatulwebekishila be binunu na binunu,

Kibafumulwe 20:12

Biabia namwene bafwe, bahela na bakata bemane ku mpala kw’Efile Mukulu; na mikanda yibabulwilwe; na ungi mukanda ubabulwilwe, nyi mukanda wa muwa; na bafwe abatshibilwe kimu ku yaya myanda yifundjibwe mu mikanda, mulombene bikitshino biabo.

Kibafumulwe 2:23

Nankeha bana be na lufu, na bikoñeno bi’Efile bioso abikeuku’shi, ami nyi e akokōla mu nfyo na mashimba: nankaha kwi muntu ese enu mwiyile bikitshino bienu.

Mateo 25:31

Ahakafiki Mwan’a Muntu mu ntumbo ye, na bamwikeilu boso balamunwe-be-kishila n’e, henyihaha akashala ha luhun’a nsulu lwa ntumbo ye:

Luka 21:27

Henyihaha abakamono Mwan’a Muntu afiki mwikumbi na bukome na ntumbo yikata.

Mako 14:62

Yesu bambile’shi: Nami uno; Anukamono namu Mwan’a muntu kwete kushāla ku mboko yi balume ya bukome, na kwete kufika ’makumbi a mwiīlu.

Mako 8:38

Binyibiabia awa akamwena’mi būfu na ku bishima biande, mu kino kihindji kia basha mabasa na kia basodi ba myanda, biabia Mwan’a muntu namu akamufwila būfu ahakafiki mu ntumbo ya Shye na bamwikeilu bahatulukye selelee.

Mateo 24:30

Henyihaha kitundwilo kia Mwan’a Muntu akikamweka mwiilu; biabia mīlo yoso ya hanohansenga ayikadidi; ayikamono Mwan’a Muntu afiki ’makumbi a mwiilu na bukome na ntumbo yikata.

Kibafumulwe 1:7

Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena.

Bikitshino 1:11

Abo namu abakwile’shi: Anwe bana-balume ba ku Ngadilea, a nkinyi kianubaimena kubandjila mwiilu? Uno Yesu winyi henwiboshwa mwiilu, anka mwanubamumwēna kwete kwenda mwiilu, nyi mwakafikila.

Mateo 26:64

Yesu bamwalulwile’shi: Obe bohu kwakula: anka nenulungula’shi: Ahakayisha kihindji anukamono Mwan’a Muntu mushale ku mboko yibalume ya bukome, afiki namu ha makumbi a mwiilu.

I Petelo 1:17

Na su anumwitanyina dia bu Yaiya, e atshibā kimu mulombene bikitshino bia muntu ese, bisumanga’shi, au nyi’ū, au nyi’ū, ooo, (biabia) nwikale na moo hanukisha kihindji hanukī hano ha nsenga;

Luka 22:69

Kubanga lelo uno mpaa na ku mafuku e ku meso, Mwan’a muntu akashala ku mboko yibalume ya bukome bw’Efile Mukulu.

Luka 9:26

Mwanda ese ammwena būfu na bwa myanda yande kumune, Mwan’a Muntu namu anamumwene būfu hanakafikye mu ntumbo ye na mwinyi, na ya Nshye, na ya bamwikeilu balamunwe-bakishila.

Mateo 13:49

Anka biabia abikekala kunfudilo kwa hanohansenga; bamwikeilu abakatuku, abakalamuna bebubi be munkatshi mwa balulame;

I Bena Tesalonika 1:10

na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye.

I Bena Tesalonika 4:16

Mwanda Nfumwetu na mwinyi akayiki mwiilu na musase, n’eyi dia mwikeilu mukile ben’e bukata, na mōno wa mpungi y’Efile Mukulu: na bafwe ba mu Kidisitu abakasanguka kwibedi,

Mateo 13:41

Mwan’a Muntu akatumu bamwikeilu be, n’abo abakalamuna bintu bioso mu Bufumu bwe abikokosha, n’abo abakitshi bubi;

I Bena Kodinda 8:8

Anka bidibwa tabiuku mwa kwitwifubusha kw’Efile Mukulu; mwanda sunga biatushyatudia biakudia, tatwi bakambe bubi, sunga biatudia tatwi bakambe buwa.

Mateo 8:20

Yesu bamwalulw’ile’shi, miseo yi na mena’yo, tonyi tw’eilu twi na maswa; anka Mwan’a muntu te na hakusamina mutwe (we).

Yoano 21:22

Yesu bamwambile’shi: Su nankyebe’shi, ayishe mpaa na hankafiki, a ngobe mwanda su? obe ndonde’mi.

Yoano 21:23

Henyihaha kino kishima kibahalakene munkatshi mwa bakwabo’shi, uno mwan’a bukishi ta kafu’nyi; anka Yesu tabamwambile’shi: Ta kafu, ooo, anka’shi: Su nankyebe ayishe mpaana hankafiki, a ngobe mwanda su?

I Bena Kodinda 3:13

Mufubo wa muntu ese wanakafumbulwe, mwanda efuku adikalesha’o, mwanda aukafumbulwa na kālo; kālo namu akakatompo mufubo wa muntu ese muntu ese, su wi na minyi.

I Bena Kodinda 15:23

Anka boso mwa belondena ku muntu ku muntu; Kidisitu nkikuba kia kwibedi; kunyima, abo ba Kidisitu ha kufika kwe.

Bena Kolose 3:25

Anka e ashūla kishila akatambula ha mwanda wa kushūla kwe kwabakitshine, mwanda takwi ūshi nyi’u, ooo.

Yakoba 5:7

Biabia bakwetu nwishinkei ’mashimb’enu mpaa na lia kufika kwa Nfumwetu. Talangai, mudimi ēfuba ēshā bikuba bineme bia ha nsenga, e na lwishinko lula ha mwanda w’abio, mpaa n’ahakatambula mpeshi a kwibedi n’ā kunfudilo.

I Yoano 2:28

Biabia binobino bana bakinga batomibwe kifulo, nwikadidile mwadie’shi, hakantweka twikale na kukankamana, na kushi kwikala na būfu ku mpala kwe ha kufika kwe.