Mateo 16:23 - KILOMBENO KIHYA KIA NFUMWETU YESU KIDISITU

²³ Ank’E beālulwile, balungwile Petelo, eshi: Kīla ku nyima kwande obe Satana; we bu kikokwelo kiande, mwanda twe mutee eshimba diobe ku bintu bi’Efile Mukulu, anka ku’bia bantu.

Mateo 16:23 Referans Kwoze

Bena Fidihai 3:19

Nfudilo yabo nkulwishibwa, efile abo nyī’fu (diabo,) na ntumbo yabo yi mu būfu bwabo, basha eshimba ’nka dia bintu bia hanohashi.

Bena Kolose 3:2

Tulai mashimb’enu ku bintu bi mwiilu, kushī ku bintu bi hanohansenga.

Mako 8:33

Anka habālulwile kutala bana be ba bukishi batosheshe Petelo’shi: Kile kumongo kwande, obe Satana, mwanda obe twe na kanya ka bintu bi’Efile-Mukulu, anka ku bia bantu.

Mateo 4:10

Binyibiabia Yesu bamulungwile’shi: Katuka Satana, mwanda ubafundjibwe’shi: Okalangwila Yehowa, Efile Mukulu obe, anka E okafubila.

Yoano 6:70

Yesu bebalulwile’shi: Ami nkinusangwile ekumi na babidi be? anka umo’enu nga diabola.

Luka 4:8

Anka Yesu bamwālulwile’shi: Nda ku nyima kwande obe Satana, mwanda ubafundjibwe’ shi: Okalangwile Yehowa Efile Mukulu obe, ank’E nyi okafubila.

Bena Loma 14:13

Binyibiabia ta twitshibishenanga myanda dimo, atwe bana bene, ooo; kukila, bibuwa nutshibei unō’shī, ta kukekalanga’nyi sunga ngumune akatulu kiakukokola mwishinda dia mukwabo, sunga kia kumukitshisha kuhona.

Bena Loma 14:21

Ta bibuwa kudia mwita, su nkutoma mālwa, sunga nkukita su nkinyi su nkinyi, akikokosha mukwabo, (su nkumuhīsha mwanda, su nkumwikasha lotolo.)

Mateo 18:7

Mpombo kwi bahanohansenga, ha mwanda wa biakukokosha! Mwanda biakukokosha tabikakutwa kufika; anka mpombo kwi yawa akebifwisha.

Mateo 16:22

Henyihaha Petelo bātshile Yesu buhenka, bamutosheshe’shi: Twelekeshanga Mwanana, uno tawikala kodi, ooo.