27 Anka Yesu kahindji n’aka bebambile’shi; Sangulushai mashimb’enu, n’ami uno, tanutshinanga moo.
Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga.
Biabia bufuku bubalondele Nfumwetu baimene hehi kwadi, amba’shi: A Paulu nyish’eshimba diobe, mwandā’nka muboñakwilwanga bu kamonyi mu Yelusalema, anka hamune odi n’au ngwa kwakwila ku Loma.
Anka E bebalungwile’shi: Nami uno, ta nutshinanga.
Binyibiabia Yesu bafikile bebakumine, bakwile’shi: Ebwei, tanutshinanga.
Biabia, tala! abafikile kwadi muntu badi na busungu bwa kususa, badi mulale ha lusala; Yesu hakumona lukuluhilo lwabo, bākwile kwi sha busungu bwa kususa, eshi: Mwan’ande, Sangash’eshimba diobe, milwisho yobe yibakulekyelwa.
Biabia mwikeilu bamulungwile’shi, Madiya, totshinanga, mwanda obe n’efile kw’Efile Mukulu.
Anka mwikeilu bamulungwile ’shi: Totshinanga Sakadiasa, mwanda luteko lwobe lubahushibwa, mpian’obe Edisabeta, akakutandjila mwana mulume, okamuudika eshina die bu Yoano.
Henyihaha Yesu bebalungwile’shi: Ta nwikalanga na moo, ndai, nukalungule bande bakwetu bēnde ku Ngadilea, abakansañana kwanka.
Biabia, mwikeilu bebalungwile’shi: Tanutshinanga moo. Talangai! nenufishisha mukāndu-wibuwa wa kusehela kukata, aukekala ku bantu bosa.
Henyihaha Petelo bamwālulwileshi; A Mwanana, su n’obe, ondungule nfikye k’odi ha mema.
Biabia mwikeilu bālulwile bana bakashi’shi: Tanutshinanga moo, mwanda neuku’shi: Nyi Yesu anukimbi, badi mwihayibwe ha nkulusu.
Mwanda boso bwabo abamumwene, abasushile, na binobino bebākwile’shi: Nyishai mashimb’ēnu, nami ū, tanutshinanga moo.
Anka hamune namu Yakoba na Yoano, bana ba Sebede abadi abekwashena na Shimona. Biabia Yesu balungwile Shimona’shi: Tokwatshibwanga na moo; binobino, mpaa na kumpala okalobo bantu.
Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu.